11.11 savdosining birinchi soatida o‘zbekistonliklar Uzum Market milliy marketpleysida soniyasiga 5 ta buyurtma berishdi. Shu bilan birga, bir yil ichida sotuvdagi o‘rtacha buyurtma narxi uchdan bir qismga oshdi.
Savdolar nafaqat xaridorlar o‘rtasida mashhurlikka erishmoqda — butun mamlakat bo‘ylab tadbirkorlar ham Butunjahon xaridlar kuni munosabati bilan chegirmalar va bonuslar taklif qilish orqali yangi mijozlarni faol jalb qilmoqda va savdolarni oshirmoqdalar. Xususan, joriy yilda Uzum Market savdosida o‘tgan yilga nisbatan 40% ga ko‘p sotuvchilar ishtirok etdi va Uzum Tezkor orqali buyurtma berishda maxsus takliflar taqdim etgan kafe va restoranlar soni yildan yilga 4 barobarga oshdi.
Uzum Market’da eng ommabop tovarlar oziq-ovqat mahsulotlari, maishiy kimyo vositalari, kosmetika, kiyim-kechak va aksessuarlar, shuningdek, elektronika va maishiy texnikalar bo‘ldi — ko‘plab foydalanuvchilar smartfonlar, quloqchinlar yoki uy jihozlarini eng arzon narxlarda yangilash uchun savdo mavsumi boshlanishini kutmoqda.
— Butun mamlakat bo‘ylab foydalanuvchilarimiz uchun sotuvlar — bu katta xaridlarni amalga oshirish, garderobni yangilash va yangi yil bayramiga tayyorgarlik ko‘rish imkoniyatidir. Dedekorativ gulchambarlar, archa o‘yinchoqlari va yangi yil liboslariga bo‘lgan talab sotuv davrida o‘tgan haftaga nisbatan 25% ga oshdi, — deydi Uzum Market bosh direktori Ilshat Xametov. — Ikki yil oldin biz o‘zbekistonliklarning eʼtibori va ishonchini qozonishga majbur bo‘lgan bo‘lsak, hozir foydalanuvchilarimiz savdo boshlanishini kutmoqda va 11.11.ning dastlabki soatlarida buyurtma berish uchun tovarlarni savatga yig‘moqda. Xaridorlar bilan birga sotuvchilarimiz ham savdoga tayyorgarlik ko‘rishdi: ular 158 000 noyob tovarga 80% gacha chegirmalar taqdim etishdi.
— Yildan yilga ko‘proq jalb qilingan xaridorlarni ko‘ryapmiz, savdo aylanmamiz esa ortib bormoqda. Bu nafaqat savdoni oshirish, balki brendimizni ommalashtirish uchun ham ajoyib imkoniyatdir, dedi Mobio smartfon va kompyuterlar uchun aksessuarlar do‘koni egasi Miraziz Solihov.
Bu yil eng faol onlayn-xaridorlar Toshkent, Samarqand, Farg‘ona va Buxoro aholisi bo‘ldi.
Eng qimmat buyurtma narxi 36 million so‘mdan oshdi — navoiylik fuqaro iPhone 16, ikkita OPPO smartfoni, 27 quti Felix mushuk yemi, archa o‘yinchoqlari to‘plami, 7 shisha kungaboqar yog‘i, 4 banka yasgil no‘xat, yuz uchun koreys niqoblari to‘plami va 5 dona erkaklar futbolkasiga buyurtma berdi.
Sheriklik huquqi asosida.
Izoh (0)