2022-yilning yanvar-oktabr oylarida “O‘zyog‘moysanoat” uyushmasi korxonalari tomonidan 36,2 million dollar miqdorida yog‘-moy mahsulotlari eksport qilindi. Bu haqda uyushma matbuot xizmati xabar bermoqda.
Ta’kidlanishicha, o‘n oy ichida eksport borasida 2022-yil uchun belgilangan prognoz ko‘rsatkichi 157 foizga bajarilishi ta’minlangan.
O‘zbekiston yog‘ining deyarli barchasini Markaziy Osiyo mamlakatlari sotib oladi.
Yil boshidan beri O‘zbekiston eng ko‘p yog‘-moy mahsulotlari eksport qilgan mamlakatlar orasida Afg‘oniston katta farq bilan yetakchilik qilmoqda — 25,6 million dollar.
Bu borada Tojikiston (3,4 million dollar) ikkinchi, Turkmaniston (3,2 million dollar) uchinchi bo‘lgan.
O‘n oyda Qozog‘istonga 1,2 million dollarlik, Qirg‘izistonga 866 ming dollarlik yog‘ yetkazib berilgan.
Bundan tashqari, yog‘-moy mahsulotlari dunyoning quyidagi mamlakatlari bozorlariga yetkazib berildi:
- Rossiya;
- Gruziya;
- BAA;
- Mongoliya;
- AQSH;
- Niderlandiya;
- Isroil;
- Iroq;
- Ozarbayjon.
O‘zbekistonga kungaboqar yog‘i asosan Rossiya va Ukrainadan olib kelinadi.
Izoh (0)