Vazirlar Mahkamasi huzuridagi Makroiqtisodiy va hududiy tadqiqotlar instituti (MHTI) mutaxassislari oktyabr oyida Toshkent shahridagi yirik supermarketlarda 21 nomdagi oziq-ovqat mahsulotlari narxining o‘zgarishini ko‘rib chiqdi. Bu haqda institut axborot xizmati “Daryo”ga ma’lum qildi.
Monitoring natijalari 9 nomdagi mahsulot bo‘yicha minimal narxlar o‘tgan oydagiga nisbatan pasayganligini ko‘rsatgan:
- sabzi 22 foiz;
- bodring 12 foiz;
- banan 9,8 foiz;
- grechka 7,8 foiz;
- pomidor 6,3 foiz;
- mol go‘shti 5,9 foiz;
- shakar 1,6 foiz;
- kungaboqar yog‘i 1,4 foiz;
- tuxum 1,1 foizga pasaygan.
Besh nomdagi mahsulotning minimal narxlari oshgan. Narxning oshishi bo‘yicha guruch yetakchi bo‘ldi. Guruch narxining o‘sishi bozor omillari, talab va taklifning o‘zgarishi bilan bog‘liq.
Yetti nomdagi mahsulotning eng past narxlari o‘zgarishsiz qolgan. Bular:
- makaron;
- karam;
- lavlagi;
- sariq piyoz;
- olma;
- limon;
- margarin.
*Eslatma, tahlil 12-sentyabr va 3-oktyabr kunlari o‘tkazilgan monitoring ma’lumotlari asosida qilingan.
Izoh (0)