O‘zbekistondan Rossiyaga uzum eksporti yil boshidan buyon o‘tgan yilning shu davriga nisbatan 60 foizga oshib, qariyb 160 ming tonnani tashkil etdi. Bu haqda “Rosselxoznadzor” matbuot xizmatiga tayanib “TASS” xabar bermoqda.
Matbuot xizmati boshqarma boshlig‘i Sergey Dankvert va O‘zbekiston karantini va o‘simliklarni himoya qilish agentligi bosh direktori Ibroxim Ergashev o‘rtasidagi ishchi uchrashuv yakunlari bo‘yicha Rosselxoznadzor matbuot xizmati xabar berdi.
Joriy yilda yangi uzum jo‘natilgan asosiy tovarga aylandi, uni yetkazib berish qariyb 60 foizga oshdi va salkam 160 ming tonnani tashkil etdi, — deyiladi xabarda.
Umuman olganda, O‘zbekiston meva-sabzavotlarining Rossiyaga importi o‘tgan yilning shu davriga nisbatan 27,3 foizga oshib, 471,1 ming tonnadan ortiqni tashkil etdi.
Rossiya qishloq xo‘jaligi mahsulotlarining O‘zbekistonga eksporti noyabr oyi oxiriga kelib qiymat jihatidan 19 foizga oshdi.
Yuboriladigan mahsulotlarning asosiy turlari margarin, kungaboqar yog‘i, shokolad, non mahsulotlari, soya keki va boshqa oziq-ovqat mahsulotlari hisoblanadi.
“Rosselxoznadzor” ta’kidlashicha, Rossiya va O‘zbekiston kelgusi yilda fitosanitariya nazorati sohasidagi axborot tizimlarini integratsiyalashni yakunlaydi.
Shu tariqa, nazorat qilinadigan mahsulotlarni o‘zaro yetkazib berish bo‘yicha elektron hujjat aylanishiga to‘liq o‘tadi.
Bu tashilayotgan yuklarni ro‘yxatga olish jarayonini tezlashtiradi va ularning kuzatilishini ta’minlaydi, tashqi iqtisodiy faoliyat ishtirokchilarining moliyaviy va moddiy xarajatlarini kamaytiradi, — deya qo‘shimcha qildi “Rosselxoznadzor”.
Mavzuga doir:
Izoh (0)