Rossiya Mudofaa vazirligining ma’lum qilishicha, avgust oyi boshidan buyon xalqaro shartnomalarga muvofiq 36 ta kema Ukraina portlaridan 746 ming tonnadan ortiq qishloq xo‘jaligi mahsulotlarini olib chiqqan. Bu haqda “Interfaks” xabar bermoqda.
Ukraina portlaridan donni xavfsiz tashish bo‘yicha o‘zaro anglashuv tashabbusini amalga oshirish doirasida 1-avgustdan boshlab mamlakatdan 36 ta quruq yuk kemasi, shu jumladan, 19 ta to‘sib qo‘yilgan kema jo‘nab ketdi, — deya ta’kidlagan Rossiya Milliy mudofaani boshqarish markazi rahbari Mixail Mizinsev.Uning so‘zlariga ko‘ra, ushbu kemalar orqali 746 ming 37 tonna oziq-ovqat: 511 ming 700 tonna makkajo‘xori, 28 ming 850 tonna kungaboqar yog‘i, 50 ming 301 tonna un, 11 ming tonna soya, 79 ming 172 tonna bug‘doy, 2 ming 914 tonna kungaboqar urug‘i, 18,5 ming tonna omixta yem, 14 ming tonna qand lavlagi va 29 ming 600 tonna kolza eksport qilingan.
22-iyul kuni Istanbulda BMT, Rossiya, Turkiya va Ukraina ishtirokida Ukraina hududidagi uchta port – “Chernomorsk”, “Odessa” va “Yujniy” portlaridan g‘alla eksporti uchun yo‘lak yaratish bo‘yicha ikkita hujjat imzolandi. 26 ming tonna makkajo‘xori bo‘lgan birinchi kema Odessadan 1-avgust kuni jo‘nab ketgan edi.
Izoh (0)