“Кунгабоқар уруғини етиштирувчиларнинг экспорт салоҳиятини ошириш чора-тадбирлари тўғрисида”ги ҳукумат қарори қабул қилинди.
Қарорга кўра, барча хўжалик юритувчи субъектларга, уларнинг ташкилий-ҳуқуқий шаклидан қатъий назар, кунгабоқар уруғларини (ТИФ ТН коди 1206 00 990 0 оқ кунгабоқар, ТИФ ТН коди 1206 00 910 0 оқ чизиқлар билан кулранг қобиқда кунгабоқар) Ўзбекистон божхона ҳудудидан ташқарига олиб чиқишга (экспорт қилишга) рухсат берилди.
Бу 2024 йил 20 декабрдан бошлаб барча етказиб беришлар учун амал қилади.
Ҳужжатда таъкидланишича, мамлакатда кунгабоқар уруғларини экспорт қилишда бизнес муҳитни яхшилаш мақсад қилинган.
2022 йил июнь ойида президент ички бозордаги нархларни барқарорлаштириш мақсадида кунгабоқар уруғи ва бошқа мойли экинлар, шунингдек кунгабоқар ва бошқа ўсимлик мойларининг экспортини тақиқлаган эди. Вазирлар Маҳкамасига кунгабоқар уруғларининг ички бозорда етарли ҳажми мавжуд бўлган тақдирда, ушбу товарлар экспортини қайта тиклаш ҳуқуқи берилганди.
Изоҳ (0)