Ўзбекистон автомобиль ишлаб чиқариш саноатида 2024 йилнинг январь ноябрь ойларида йирик корхоналар томонидан 382 минг 905 дона ҳар хил турдаги енгил автомобиллар ишлаб чиқарилган. Бу ҳақда Статистика агентлиги хабар берди.
Рейтингда энг етакчи автомобиль – Cobalt (149 790 дона). Damas эса иккинчи ўринда – 92 011 дона.
Умуман олганда русумлар бўйича тақсимланиши қуйидагича (дона):
- Tracker – 40 718 дона;
- Onix – 36 408 дона;
- Махсус енгил автомобиллар – 23 033 дона;
- KIA – 19 328 дона;
- Gentra – 12 837 дона;
- Chery – 6 301 дона;
- Haval – 2 473 дона;
- Лада – 6 дона.
Автомобиль бозори қандай ҳолатда?
Ноябрь ойида 2024 йилнинг III чорагида Ўзбекистон автомобиль бозорида фаоллик даражаси ошган бўлса-да, 2023 йилги даражада эмаслиги ҳақида хабар берилганди. Хусусан, июль сентябрь ойларида давлат рўйхатидан ўтказилган автомобиллар сони 352,8 мингтани ташкил қилиб, II-чоракдагига нисбатан 76,8 мингтага (27,8 фоизга) кўпайди. Бироқ, бу кўрсаткич 2023 йилнинг мос давридагига нисбатан 19,9 фоиз кам.
Декабрь ойи аввалида Lacetti, Nexia, Spark каби оммабоп автомобиллар нархлари пасайгани ҳақида хабар берилган.
Ўзбекистонда 2024 йил октябрида автомобиль бозорида сотувлар яна пасайгани айтилган эди. Октябрь ойида автотранспорт воситаларининг савдоси 102,3 минг донани ташкил этди, бу ўтган ойга нисбатан 7 фоизга кам. Йиллик кўрсаткичда эса пасайиш — 44 фоиздан кўпроқ.
Изоҳ (0)