Rossiya armiyasi 20-dekabr kuni ertalab rossiyalik harbiylar Kiyevga ballistik raketa bilan hujum uyushtirdi. Ukraina rasmiylariga ko‘ra, hujum oqibatida bir kishi halok bo‘lgan, kamida 10 kishi yaralangan.
Kiyev harbiy ma’muriyati va Kiyev meri Vitaliy Klichko jarohatlangan kamida 10 kishidan olti nafari kasalxonaga yotqizilganini ma’lum qildi. Ukraina Harbiy havo kuchlari maʼlumotlariga ko‘ra, Rossiya ertalab soat yettida Kiyevga beshta “Iskander-M” ballistik raketasini uchirgan. Ukraina harbiylariga ko‘ra, barcha raketalar urib tushirilgan.
Kiyevning Goloseyevskiy, Dneprovskiy, Solomenskiy va Shevchenkovskiy tumanlariga raketa parchalari tushgan.
“Goloseyevskiy tumanida ikki kishi jarohatlangan, issiqlik trassasi shikastlangan, bir nechta avtomobil yonib ketgan”, deb xabar berdi Kiyev meri Vitaliy Klichko.
Kiyev maʼmuriyatining maʼlum qilishicha, 630 ta turar joy binosi, 16 ta shifoxona, 17 ta maktab va 13 ta bolalar bog‘chasi issiqlik trassasining shikastlanishi sababli issiqlik ta’minotisiz qolgan.
Solomenskiy va Shevchenkovskiy tumanlarida yong‘in sodir bo‘lgan.
-GAKk9YUR.jpg)
Hujum Kiyevdagi Nikolay cherkoviga ham zarar yetkazgan. Dronlardan birining vayronalari Desnyanskiy tumanidagi noturar joy hududiga qulagan.
Rossiya Mudofaa vazirligi Kiyevga berilgan zarbalarni Ukraina Qurolli Kuchlarining 18-dekabr kuni Rostov viloyatidagi Kamenskiy kombinatiga ATACMS va Storm Shadow raketalari bilan uyushtirgan hujumiga javob deb atadi (Ukraina tomoni bu bayonotga izoh bermadi).
Qayd etilishicha, 20-dekabr kuni Rossiya hujumining nishoni Kiyevdagi “Luch” konstruktorlik byurosi va Ukraina xavfsizlik xizmati qo‘mondonlik punkti bo‘lgan.
-g17r18NW.jpg)
Rossiya Mudofaa vazirligi ma’lumotlariga ko‘ra, barcha maqsadlarga erishildi.
Izoh (0)