Taxtaqoracha dovoni 15-dekabr kuni avtomobillar harakati uchun vaqtincha yopildi.
Qashqadaryo viloyati FVB matbuot xizmatining ma’lum qilishicha, kuchli qor yog‘ayotgani sababli viloyatning Kitob tumanidan o‘tgan M-39 avtomobil yo‘lining Taxtaqoracha dovoni avtomobillar harakati uchun soat 10:30 dan boshlab vaqtincha yopildi.
Ayni paytda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida profilaktik ishlar amalga oshirilmoqda. Dovon yo‘li qayta ochilishi bo‘yicha FVV axborot xizmati qo‘shimcha ma’lumot taqdim etadi.
“O‘zgidromet” 15-dekabr, yakshanba kuni yana sovuq havo massalari kirib kelishi, qator hududlarda qor yog‘ishini prognoz qilgandi.
Taxtaqoracha dovoni bundan avval 5-dekabr kuni, favqulodda vaziyatlarni oldini olish maqsadida amaliy o‘quv mashg‘uloti o‘tkazilishi sabab vaqtincha yopilgandi.
Izoh (0)