Vazirlar Mahkamasining “Yo‘l harakati qoidalariga piyodalar xavfsizligini taʼminlashga qaratilgan o‘zgartirish va qo‘shimchalar kiritish to‘g‘risida”gi qarori qabul qilindi.
Qarorga ko‘ra, “Baland piyodalar o‘tish joylari” yo‘l belgisi hamda 3D ko‘rinishidagi yo‘l yotiq chiziqlari joriy etiladi.
Bunda piyodalar uchun qulay shart-sharoitlar yaratish va ular ishtirokidagi yo‘l-transport hodisalarining oldini olish maqsad qilingan.
Ular quyidagi nuqtalarga o‘rnatiladi:
- shaharlar va boshqa aholi punktlarining ko‘chalarida;
- davlat va mahalliy ahamiyatga molik avtomobil yo‘llarining yoritilgan hamda yuqori tezlik soatiga 30 kilometrgacha cheklov joriy qilingan uchastkalarida;
- turar joy dahalaridagi ko‘rinish cheklangan chorrahalarda;
- bolalar maydonchalari hamda taʼlim tashkilotlari oldidagi yo‘l uchastkalarida;
- ommaviy dam olish joylari, stadionlar, vokzallar, savdo markazlari va boshqa odam ko‘p to‘planadigan joylarda;
- ko‘chalarning 1.21. “Bolalar” yo‘l belgisi taʼsiridagi qismlariga “Baland piyodalar o‘tish joylari” yo‘l belgisi hamda yo‘l yotiq chiziqlari o‘rnatiladi.
Ichki ishlar vazirligi ikki oyda 2025–2026-yillarda “Baland piyodalar o‘tish joylari” yo‘l belgisi hamda yo‘l yotiq chiziqlarini o‘rnatish zarur bo‘lgan joylar ro‘yxatini tasdiqlaydi.
Izoh (0)