Andijon viloyati, Ho‘jaobod tumani, “Faqirqishloq” MFY hududidan o‘tgan yo‘lning 464-km da 7-dekabr kuni soat 11:10 larda YTH sodir bo‘ldi.
Haydovchi 1984-yilda tug‘ilgan M.N. boshqaruvidagi Lacetti avtomobilini boshqarib ketayotib, qatnov qismining belgilangan joyidan kesib o‘tayotgan 2012-yilda tug‘ilgan P.I.ni urib yubordi.
Hodisa oqibatida piyoda P.I. olgan tan jarohati bilan Xo‘jaobod tumani tez tibiy yirdam bo‘limiga yotqizilgan.
Holat yuzasidan Ho‘jaobod tumani IIB Tergov bo‘limi masʼul xodimlari tomonidan dastlabki tergov harakatlari olib borilmoqda.
Yo‘llarda bolalar o‘limi
Noyabr oyida Jizzax viloyatining Baxmal tumanida Cobalt katta tezlikda voyaga yetmagan ikki qizni urib yubordi. Shuningdek, Samarqandda avtobus maktab yaqinida yo‘lni kesib o‘tayotgan bolani urib yuborib, uning o‘limiga sabab bo‘lgandi. Surxondaryoda 1-sinf o‘quvchisi Nexia urib yuborishidan vafot etgandi.
Senat bergan ma’lumotga ko‘ra, 2024-yilning 5 oyi davomida jami 359 nafar o‘quvchi bilan bog‘liq yo‘l-transport hodisasi sodir etilgan va 65 nafar o‘quvchi halok bo‘lgan, 294 nafar o‘quvchi esa turli darajada tan jarohatlari olgan. 2023-yilda bolalar bilan bog‘liq 1 794 ta YTH yuz berib, ularda 1 568 nafar bola jarohatlangan, 263 nafari vafot etgan.
Sentyabrda Toshkentda BYD 9 yoshli maktab o‘quvchisini urib yuborib, uning o‘limiga sababchi bo‘lgandi. Xuddi shu kabi holat iyul oyida Navoiy viloyati Xatirchi tumanida sodir bo‘lgan. Katta tezlikda harakatlanayotgan BYD piyodalar o‘tish joyidan o‘tayotgan 9 yoshli qizaloqni bosib ketgan. O‘sha oyda Samarqandda 7 yashar bola avtomobil urib ketishi oqibatida vafot etdi. Aprelda Jizzaxda sodir bo‘lgan YTH oqibatida ikki nafar maktab o‘quvchisi halok bo‘ldi.
Bolalar ishtirokida ayanchli YTHlar ko‘paygach, jamoat faollari yo‘llarda bolalar o‘limi uchun siyosiy javobgarlik bo‘lishi kerakligini aytdi.
Izoh (0)