Kinodagi vaqt paradokslari — bir tomondan siyqasi chiqqan, ikkinchi tomondan esa o‘z dolzarbligini yo‘qotmagan mavzu. Qahramonni avval kelajakka, keyin o‘tmishga jo‘natish yoki shunchaki vaqtni aqldan ozdiradigan darajada tezlashtirishdan qiziqarliroq narsa bo‘lishi mumkinmi?
“Benjamin Battonning sirli tarixi”
Devid Fincherning Bred Pitt ishtirokidagi eng romantik filmlaridan biri. Uning qahramoni qari bo‘lib tug‘iladi va ulg‘ayish o‘rniga yosharib ketadi. U Keyt Blanshett qahramonini sevib qoladi, lekin baxtga qarshi, ularning bu dunyodagi yo‘llari hech qachon kesishmaydi, chunki u oldinga, qiz esa orqaga harakatlanadi. Pitt va Blanshett qahramonlari o‘rtasidagi munosabatlar qanchalik hayajonli bo‘lsa, Benjaminning o‘zgarishlarini kuzatish ham shunchalik hayajonli. Muhabbat, ehtimol, vaqtni yengishga qodir emasdir, lekin uni mazmun bilan to‘ldirishga qodir.
“Adalin asri”
Yosharadigan erkak haqida film ishlangan ekan, qarimaydigan ayolni ham tilga olish kerak. Qolaversa, “Adalin asri” ko‘pincha “Benjamin Batton” bilan taqqoslanadi. Avtomobil halokatidan so‘ng go‘zal Adalinda qarish jarayoni to‘xtaydi. Butun bir asrni yashasa ham, u 27 yoshligidek qolaveradi, toki u uchun yashashga arziydigan erkakni uchratmaguncha.
“Ko‘l bo‘yidagi uy”
Ko‘plar noma’lum manzilga xat yozgan. Film qahramoni ham uyining bo‘lajak ijarachisiga xat yozishga urinib ko‘radi. Lekin buning o‘rniga xatni avvalgi ijarachi oladi. Shunday qilib, ikki yil farq bilan yashayotgan odamlar o‘rtasidagi aqlbovar qilmas yozishmalar boshlandi. “Ko‘l bo‘yidagi uy” hatto melodramani yoqtirmaydiganlarni ham yig‘latadi. Sandra Bullok va Kianu Rivz ideal juftlik bo‘lgani uchun emas. Chunki ular juda zamonaviy muammolarni mohirona ijro etishadi — biz ba’zan deyarli ongli ravishda o‘z baxtimizni chetlab o‘tamiz.
“Oq Rojdestvo” (“Qora ko‘zgu” serialidan)
“Qora ko‘zgu” seriali jamoatchilikni qattiq hayajonga soldi va hayotimizni qanday yaxshilashimiz mumkinligini yaqqol ko‘rsatib berdi. Ma’lum bo‘lishicha, abadiy hayot bu mumkin bo‘lgan jazolarning eng shafqatsizidir. Reyf Spoll va Jon Hemmning ikki hikoyasi hali mavjud bo‘lmagan texnologiyalarni jalb qilib, vaqt mavzusiga u yoki bu tarzda ta’sir qiladi. Ular bilan birga tomoshabin finalda dahshatli xulosaga kelish uchun ko‘plab tuzoqlarga tushadi.
“Muqaddima”
Kristofer Nolan “Muqaddima” filmida vaqt oqimining eng qiziqarli variantini taklif qiladi. Karavotingizda bir daqiqa uxlar ekansiz, tushingizda soatlar, kunlar va hatto yillar o‘tadi. Tushda uyqu effekti haqida ko‘pchilik eshitgan bo‘lsa kerak, lekin Nolan bu nazariya asosida butun boshli piramida quradi — murakkab, ta’sirli, paradoksal, qo‘rqinchli. Bu olamlarda har qanday hayotni yashash, har qanday voqelikni yaratish mumkin. Eng muhimi — vaqtida uyg‘onolsangiz bo‘ldi.
Izoh (0)