Kia K9 – butun dunyoga mashhur Koreya avtomobil brendining flagmanli modelidir. Nufuzli sedanlar segmenti konservativ hisoblanadi, ammo K9 ning avvalgi avlodlari mazkur tor doiradagi "klub"da o‘zlarini ko‘rsatishga muvaffaq bo‘lishdi. Zamonaviy koreys flagmani endi shunchaki segment "qoidalari bo‘yicha o‘ynab" qolmay, balki ulardan ustun bo‘lishga intiladi.
10 yildan ziyod vaqt muqaddam Kia "asosida dizayn bo‘lgan brend"ga aylanish yo‘lini belgilab oldi. Mazkur masala yetakchi dizaynerlar – dastlab iste’dodli Piter Shrayer, undan so‘ng jasur Karim Habibni taklif qilish orqali hal etildi. Endi esa brendning dizayn tili har qanday qit’ada tushunarli va shubhasiz, tanilingan bo‘ldi.
K9 da, flagmanda bo‘lgani kabi, u to‘liq ravishda mujassam etildi. Ha, bu klassik nufuzli sedan, ammo "klassika" kelajakka intilgan. Avtomobil nafis va salobatli: qudratli qat’iy shakllar, relyefli yuzalar, ishonchli chiziqlar. Ammo, o‘zgacha uslubli shtrixlar xatoga yo‘l qo‘yishga bermaydi – bu juda zamonaviy model, uning ko‘rinishi uzoq yillar davomida dolzarb bo‘lib qoladi.
LED optikaning murakkab tuzilishi, radiatorning "uch o‘lchovli" panjarasi (uning bunday ajoyib ko‘rinishi metallning issiq holatda qoliplanishi va "qoramtir xrom" qoplamasi tufayli mumkin bo‘ldi), old qanotlardagi nafis qoplamalar – bularning barchasi nozik sifatga ega, biroq aniq tarzda zamonaviylikni ta’kidlaydi. Xrom, mazkur segmentda lozim darajada qo‘llanilgan, ammo juda puxta, ortiqchalarsiz. Avtomobil orqa qismi va uning optikasi dizayni zamonaviy ixcham uslubda ishlab chiqilgan va Kia modellari qatorini birlashtiradigan "mansublilik" shtrixlarga ega.
Keng salonda ham barchasi "mavqe talablari" hisobga olingan holda joylashtirilgan. Nafis chokli qimmatbaho Nappa charm qoplamasi, yumshoq premium darajadagi bezak qoplama materiallari, tabiiy yog‘ochdan ishlangan dekorativ qismlar dunyosi.
Ko‘p sonli nafis tugmalar salondagi har bir kishi uchun qulay Ergo Motion kreslosini sozlashga imkon beradi, ikkinchi qatorning markaziy tirsak suyanchig‘iga esa iqlim-nazorat va multimedia tizimining boshqaruv bloki integratsiya qilingan.
Isitish, ventilyatsiya, uqalash – albatta-da! Ikki qavat oynalarning ajoyib tarzdagi shovqin izolyatsiyasi, elektr yuritmaga ega quyoshdan himoyalovchi pardalar – barchasi "mavqe taqozo qiladigan" darajada. Shuningdek, bu yerda ham aniq shtrixlar xatoga yo‘l qo‘ymaydi – bu zamonaviy, yuqori texnologiyali avtomobilning saloni.
Chiroyli konturli va "atmosferali" yoritgichlar, oldingi o‘rindiqlarning orqa qismida orqa tomon yo‘lovchilari uchun qo‘shimcha ekranlar... Multimedia tizimining ekrani yirik diagonalga ega – 14,5 dyuym – lekin interyerga yuqori darajadagi did asosida, vizual ustunliksiz kiritilgan. Audiotizim Hi-Fi toifasiga mansubligini oqlay ololadi: salondagi tovush boy, hajmli va tabiiy darajada. Multimedia tizimida eng ilg‘or yechimlardan biri – to‘ldirilgan hayotiylik, biroq tizimni boshqarish "klassik" tarzda amalga oshiriladi: virtual tugmalar bilan emas, balki ushlaganda yoqimli bo‘lgan sensorli disk vositasida.
Va mazkur imkoniyat u bilan ishlashni yoqimli qiladi. Hatto premium segmentida ham ko‘plab avtomobillar hozirgi kunda interyerlarining "texnologikligi" bilan maqtanayotgandek va bundan yiroqda bo‘lganidek tuyuladi. Kia K9 klassika va zamonaviylikning mukammal muvozanatini taklif qiladi. Undagi mavjud bo‘lgan yuqori texnologiyalar kam emas, ammo interyer juda shinamligicha qolmoqda.
Nufuzli sedanda zarur bo‘lgan barchasida elektr yuritmalarning mavjudligi "odatiy ravishda" deb hisoblanadi, ammo Kia K9 bu yerda ham hayron qoldirmoqda. Uning eshiklari elektr yuritmali eshik yopish qurilmasi bilan jihozlangan, bu esa faqatgina qimmatroq bo‘lgan avtomobillarda uchraydi.
12,3 dyumli raqamli asboblar paneli nafaqat tartibli, chiroyli va aniq grafikka ega, balki yo‘l qismiga qayta joylashish manyovrlarida yon kameralardan tasvirni namoyish qiladi – bu qulay hisoblanadi va boshqaruvni xavfsizroq qiladi.
Umuman olganda, K9 da xavfsizlik borasida kuzov konstruksiyasidan boshlab barcha bosqichlarigacha o‘ylab chiqilgan. O‘ta yuqori mustahkam po‘latdan tayyorlangan pishiq elementlar yo‘lovchilar saloni atrofida ishonchli kuch tuzilmasini shakllantiradi, avariya paytida zarba energiyasining tarqalish hududlari puxta o‘ylangan.
Kia flagmani, hatto zamonaviy "premium" o‘lchovlari bo‘yicha ko‘p sonli – 10 dona xavfsizlik yostiqchalari bilan jihozlangan. Haydovchiga esa faqatgina eslatib o‘tilgan yon tomonni ko‘rish kameralari yordam berishi bilan kifoyalanmaydi. Elektron yordamchilar va xavfsizlik tizimlari bu yerda juda ko‘p va ular deyarli har qanday vaziyatda yordam berishga tayyor.
Ammo avtomobil chinakam tarzda faqatgina harakatlanish yo‘lida ochilishi mumkin. Bu joyda ham Kia K9 kilometrlarni ishonchli va mustahkam tarzda bosib o‘tib, pand bermaydi,. Qudratli 3,3 litrli benzinli dvigatel (249 ot kuchi) 8 pog‘onali gidromexanik avtomat uzatmalar qutisi bilan qo‘shaloq tarzda ajoyib ishlaydi.
Uzatmalarni boshqasiga o‘tkazish shunchalik ravon bo‘lganligi uchun deyarli sezilmaydi, bunda motor deyarli har doim eng maqbul aylanmalarda ishlaydi. Intellektual to‘liq uzatma tizimi turli qoplamalarda va turli ob-havo sharoitlarida o‘zingizni ishonchli his qilish imkonini beradi.
Maxsus muhandislik durdonasi – elektron boshqariladigan podveska. Datchiklar real vaqt rejimida avtomobil harakatini tahlil qiladi va amortizatorlar ishini boshqaradi, ularning qattiqligini sozlash uchun jami 1024 xil variantlari ko‘zda tutilgan.
Bunday ijobiy sifatlar to‘plami bilan Kia flagmani nemis raqobatchilariga qaraganda hamyonbopligini hisobga olsak, ishonch bilan aytish mumkinki, mazkur avtomobil nufuzli sedanlari segmentida juda qiziqarli ishtirokchi bo‘lib hisoblanadi.
O‘zbekistonda Kia avtomobil brendi rasmiy distribyutori bo‘lgan ADM Global kompaniyalar guruhi tomonidan taqdim etilgan Kia avtomobillarining xususiyatlari, mavjud komplektatsiyalari va narxlari bilan kia.uz saytida tanishish mumkin.
Telefon: (+998) 55−500−83−33.
Sayt: kia.uz
Instagram: @kia__uzbekistan
Telegram: t.me/kia_rasmiy
Telegram-bot: t.me/kiauzbekistanbot
YouTube: @kiauzbekistan
Reklama huquqi asosida.
Izoh (0)