“Matritsa” filmi 25 yoshda: Neo, Triniti va filmdagi boshqa qahramonlar hozir qanday ko‘rinishda? (foto)

1999-yilda aka-uka Vachovskilar tomonidan suratga olingan “Matritsa” nomli ilmiy fantastik filmi dunyo ekranlariga chiqdi. Filmda mashinalar tomonidan odamlarning matritsaga majburan ulangani va ulardan energiya sifatida foydalangani haqidagi kelajak hayotidan hikoya qiladi.

Filmda Neo ismli xakerga haqiqiy dunyo aslida qandayligini aniqlash va insoniyatni qutqarish vazifasi yuklatiladi. Asarning muvaffaqiyatli chiqishi va eng yaxshi filmlar ro‘yxatiga qo‘shilishida, albatta, unda ishtirok etgan aktyorlarning o‘rni katta. Quyida “Matritsa” dagi asosiy qahramonlarini gavdalantirgan aktyorlar hayoti qanday kechgani haqida so‘z boradi.

Kianu Rivz (Neo)

Kanadalik aktyor 35 yoshida “Matritsa da Tomas Anderson, ya’ni Neo obrazini gavdalantirgan. Kianu Rivz ushbu filmda o‘z maqsadini aniq biladigan va o‘ziga ishonchi baland qahramonni ijro etgan.

Film unga olamshumul mashhurlik olib kelgan bo‘lsa-da, bundan avval Kianu Rivz “Tezlik” va “Iblis himoyachisi” kabi loyihalarda suratga tushgan. Avvaliga “Matritsa” filmidagi Neo rolini boshqa aktyor ijro etishi kerak edi. Prodyuserlar bu rolga Uill Smitni afzal ko‘rdi, lekin u boshqa filmda ishlashni tanladi va taklifni rad etdi.

Kianu Rivz oila qurmagan, hayoti davomida u bir nechta mashhur aktrisalar, jumladan Kerri-Enn Moss, Sandra Bullok, Kler Forlan, Chayna Chou va boshqalar bilan munosabatda bo‘lgan. Aktyorning farzandlari ham yo‘q. Rivzning qallig‘i Jennifer Saym homilador bo‘lgan, biroq uning qizi o‘lik tug‘ilgan. So‘ng 2001-yil aprel oyida ayol avtohalokatda vafot etgan.

Kianu Rivz hozirda 60 yoshda. U filmlarda faol rol o‘ynashda davom etmoqda. Aktyor hozirda  rassom Aleksandra Grant bilan baxtli ekanini ta’kidlaydi.

Lourens Fishbyorn (Morfey)

Amerikalik aktyor “Matritsa”da Morfey rolini taxminan 38 yoshida ijro etgan. Uning roli aktyorga katta mashhurlik olib kelgan. “Matritsa”dan avval Fishbyorn “Sevgi nimalarga qodir” nomli filmda ishtirok etgan va “Oskar” mukofotiga nomzod bo‘lgan.

Morfey rolidan so‘ng Gollivud yulduzi “Uddalab bo‘lmas topshiriq”, “Gannibal”, “Jon Uik” and “Transformerlar: Ibtido” va boshqa mashhur filmlarda suratga tushgan.

Aktyor ikki marta turmush qurgan va uning to‘rt nafar farzandi bor. Lourens Fishbyorn hozirda 63 yoshda. U kino sanoatidagi faoliyatini davom ettirmoqda va shaxsiy hayoti tafsilotlarini sir tutmoqda.

Kerri-Enn Moss (Triniti)

Kanadalik aktrisa Triniti obrazini gavdalantirganda 32 yoshda edi. “Matritsa” filmidan keyin Kerri-Enn Moss “Qizil sayyora”, “Pompey”, “Unutma”, "Shokolad,” va boshqa ko‘plab filmlarda ishtirok etgan.

“Matritsa” filmini suratga olish jarayonida aktrisa o‘zining hamkasbi Kianu Rivz bilan qisqa muddat ishqiy munosabatda bo‘ldi. Juftlik ajrashgach, Kerri-Enn Moss aktyor Stiven Royga turmushga chiqdi. Oila Ouen va Jeyden ismli o‘g‘illari va Beatris ismli qizi dunyoga keldi.

Kerri-Ann Moss hozirda 57 yoshda va aktyorlik faoliyatini davom ettirmoqda.

Hyugo Uiving (Agent Smit)

Britaniyalik aktyor 39 yoshida “Matritsa” filmida suratga tushgan bo‘lib, hozirda 64 yoshda.

Agent Smit obrazi Uivingga katta mashhurlik olib keldi, so‘ng aktyor “Uzuklar hukmdori”, “Vendetta inqilobi”, “Xobbit”, “Kapitan Amerika: Birinchi qasoskor,” va boshqa ko‘plab filmlarda muvaffaqiyatli rollarni ijro etdi.

1984-yildan beri u Katrina Grinvud bilan birga. Juftlikning ikki nafar farzandi — o‘g‘li Garri va qizi Xolli bor. Ular Avstraliyaning Sidney shahrida yashaydi. Ammo Uiving va Grinvud munosabatlarini nikoh bilan qonuniylashtirmagan.

Jo Pantoliano (Sayfer)

Amerikalik aktyor taxminan 48 yoshida Sayfer rolini ijro etgan. Hozirda u 73 yoshni qarshi olgan.

Jo Pantoliano “Matritsa” filmidan avval ko‘plab muvaffaqiyatli loyihalarda ishtirok etdi, ammo aynan Sayfer obrazi unga butun dunyo bo‘ylab mashhurlik keltirdi. Jo Pantoliano “Soprano klani” teleserialida ham ishtirok etgan va Emmi mukofotiga sazovor bo‘lgan.

Aktyor ikki marta turmush qurgan. 1979-yildan 1985-yilgacha Morgan Kester bilan yashagan, ularning bir nafar o‘g‘li bor. 1994-yilda Pantoliano Nensi Sheppardga uylangan va bu nikohda uchta farzand tug‘ilgan. Hozirda aktyor oilasi bilan Los-Anjelesda yashaydi.