Gollivud aktyori Kianu Rivz Indiana shtatidagi mashhur Indianapolis Motor Speedway professional avtopoygasida ilk bor ishtirok etdi.
U Shimoliy Amerika Toyota GR kubogida Eagles Canyon Racing jamoasi uchun kurashdi. Musobaqa 5-oktyabr kuni bo‘lib o‘tdi.
“Matritsa” franshizasi yulduzi poygada Toyota GR86 rusumli mashinasi bilan ishtirok etdi. Sport avtomobilining yon tomonida aktyorning ismi, Kanada bayrog‘i va BRZRKR qisqartmasi bor tushirilgan edi. Rivzning maxsus kiyimiga ham tushirilgan BRZRKR yozuvi aktyor qalamiga mansub komikslar seriyasiga havola bo‘ldi.
Poyga davomida Rivz 21-o‘ringa chiqdi, biroq 45-daqiqaga kelganda aktyorning mashinasi trassa chegarasidan chiqib, maysa ustiga uchib ketdi. Bu lavha SRO Motorsports Group poyga tashkilotchilari tomonidan YouTube’da e’lon qilingan videoda ko‘rsatildi.
Aktyor jarohat olmadi va boshqa ishtirokchilar bilan to‘qnashib ketmadi. Bir daqiqadan so‘ng Kianu jarohat olmaganiga ishora qilib, yo‘lini davom ettirdi. U jami 35 nafar ishtirokchi orasida 25-o‘rinni egalladi.
Avto.ru qayd etganidek, Rivz avval ham avtopoygalarda qatnashgan, lekin aynan 5-oktyabr kuni aktyor professional sportda debyut qilgan.
Izoh (0)