“Universal askar” (1992), “Qochishga joy yo‘q” (1993), “Qaltis nishon” (1993) kabi filmlar yulduzi, taniqli amerikalik aktyor Jan-Klod Van Damm joriy yil 18-oktyabr kuni o‘zining tug‘ilgan kunini nishonladi.
64 yoshni qarshi olgan yulduz 1990-yillarda Gollivudning jangari filmlaridagi rollari tufayli shuhrat qozongan. Aktyor o‘z faoliyati davomida ko‘plab mashinalarni almashtirgan. Quyida Jan-Klod Van Dammning eng sevimli mashinalari haqida ma’lumot beramiz.
McLaren P1 Gemballa
Ushbu giperkar birinchi marta 2013-yilda Germaniyaning Gemballa va Buyuk Britaniyaning McLaren kompaniyalari tomonidan ishlab chiqarilgan. Van Dammga uni 2016-yilda 1 million dollarga xarid qilgan. Aktyor mashinasining tormoz tizimini sozlashga va salon ichki bezaklariga katta sarmoya kiritgan. Avtomobil dvigateli 916 ot kuchiga ega. McLaren P1 Gemballa mashinasida V8 benzinli dvigatel o‘rnatilgan bo‘lib, u avtomobil 349 km/soatgacha tezlikka chiqishga qodir.
Bentley Continental GT
Kundalik ehtiyoj uchun tez-tez ishlatiladigan mashina sifatida Van Damm soddaroq rusumdagi avtomobilni tanladi. Bentley Continental GT gibrid mashinasi 6 litrli dvigatel va 625 ot kuchiga ega. Aktyor ushbu mashinaning birinchi va ikkinchi avlodlarini haydagan. Ikkala avtomobil ham kabriolet — usti tashlab-yig‘ib qo‘yiladigan kuzovga ega bo‘lgan.
Lamborghini Gallardo Spyder
Mazkur avtomobil Gollivud yulduzining sevimli mashinasi bo‘lib, Van Damm bir necha marta uni haydash vaqtida paparatssi kameralariga tushgan. Hozirda 560 ot kuchiga ega dvigatel bilan jihozlangan Lamborghini Gallardo Spyder avtomobili ishlab chiqarilmaydi. 2005-yilda xarid qilingan mazkur superkar hali ham Jan-Klod mashinalar kolleksiyasidan o‘rin olgan.
Shu bilan birga, kikboksing bo‘yicha sobiq jahon chempioni bo‘lgan Jan-Klod Van Dammning bisotida boshqa superkarlar ham bo‘lgan, jumladan: Ferrari 458 Spider, Bentley Azure, Linkoln Continental, Dodge Charger, BMW M3 va X5, shuningdek, Mercedes-Benz GLE, Gelandewagen va E-class avtomobillari bir necha yillar davomida aktyorga tegishli bo‘lgan.
Izoh (0)