Har birimiz filmlarda doim bir xil obrazni takror gavdalantiradigan aktyorlarning guvohi bo‘lganmiz. Ular o‘zining xulq-atvori, yuz ifodasi va hatto aytadigan so‘zlari bilan avvalgi filmlardagi qahramonni yodga solib yuboradi. Bunday bo‘lishiga doim ham aktyorlarning o‘zi emas, balki ssenariy mualliflari va muayyan rolga tanlagan rejissyorlar sababchidir. Reddit ijtimoiy tarmog‘ida ushbu mavzuda qizg‘in muhokamalar davom etmoqda.
Birinchi navbatda muxlislar Rayan Reynolds, Mishel Rodriges, Dueyn Jonson va Vin Dizelni tanqid qilishdi va mazkur aktyorlarni “barcha filmlarda bir xil personajlarni ijro etadigan to‘rtlik” deb atashdi.
Foto: Lifehacker.ru
“Rayan Reynolds hamma filmlarda faqat o‘zini o‘ynaydi”, deb ta’kidladi foydalanuvchilardan biri. Ochiq bahs ishtirokchilari Dueyn Jonsonni esa hatto doim bir xil kiyimda suratga tushishini aytib o‘tdi.
Ro‘yxatda keyingi o‘rinda amerikalik reper, aktyor va ssenariylar muallifi Ays Kyub tanqid ostiga olindi. “U asosan g‘azablangan yuzini ko‘rsatgani uchun pul oladi”, deya hazil qildi foydalanuvchilardan biri.
Foto: Lifehacker.ru
Nikol Kidman ham doimiy bir-biriga o‘xshash rollarda chiqadigan mashhurlar qatoriga kiritildi. Bir foydalanuvchining so‘zlariga ko‘ra, “U kamida beshta film yoki serialda bevafo, yolg‘onchi, ammo badavlat erkakning rafiqasi rolini o‘ynagan”.
Reddit platformasida tez-tez bir xil obrazda namoyon bo‘ladigan aktyorlar sifatida Jennifer Kulidj, Set Rogen, Mark Uolberg, Jeyson Momoa, Jek Blek, Gal Gadot, Vins Von, Jeyson Beytman va hatto Bill Myurrey ham tilga olingan.
Foto: Lifehacker.ru
Gollivud yulduzi Bryus Uillis ham o‘nlab yillar davomida bir xil obrazni gavdalantirgani qayd etilgan. Bunga javoban bir foydalanuvchi shunday deb yozgan: “To‘g‘ri, Bryus Uillis bir xil rollarda ko‘p chiqqan, lekin u rolni qanday ijro etishni yaxshi biladi. Ayniqsa, “O‘lim unga yarashadi” filmida o‘z mahoratini ko‘rsatgan.
Foto: Lifehacker.ru
Bundan tashqari, aktyor Jeyson Steytem haqida ham salbiy fikrlar bildirilgan edi, ammo yulduzning tarafini olganlar ko‘p bo‘ldi va ular “Jeyson barcha filmlarda bir xil, faqat turli davrlarga tegishli qahramonni ijro etgan” dedi. Masalan, “Chegarasiz” va “Karta, pul va tutayotgan to‘pponcha” filmlarida u o‘zi uchun odatiy bo‘lmagan rollarni o‘ynaganini aytishdi.
Foto: Lifehacker.ru
Ba’zilar aktyor Kianu Rivzni ham bitta obrazda qotib qolgan aktyor deb atashga urindi, lekin uning “Matrisa” va “Jon Uik” filmlarini misol tariqasoda keltirib o‘tgan ashaddiy muxlislar buning aksini isbotladi.
Izoh (0)