Yevropa ittifoqi prezidentlikka respublikachi nomzod Donald Tramp noyabr oyidagi saylovlarda g‘alaba qozonsa, ushbu g‘alabadan yetkaziladigan zararni hisoblab chiqmoqda. Bu haqda Financial Times nashri xabar berdi.
Nashrga ko‘ra, yuqori martabali amaldorlar Amerikaning Ukrainaga ko‘rsatayotgan yordami to‘xtatilgan taqdirda, mumkin bo‘lgan tovon puli va Amerika rasmiylari cheklovlarni bekor qilsa, Rossiyaga qarshi sanksiyalarni saqlab qolish variantlarini tahlil qilmoqda.
25-oktyabr kuni ma’lum bo‘ldiki, Tramp AQSH prezidentligi saylovlarida g‘alaba qozonsa, Yevropa ittifoqi Rossiyaga qarshi sanksiyalarni kuchaytirishi mumkin. Shu bilan birga, Yevropa davlatlari rasmiylari Oq uy yangi ma’muriyat kelishi bilan bu vaziyatni o‘zgartirishga qaror qilgan taqdirda ham, Yevropa ittifoqining cheklov choralari uzoq vaqt davomida o‘z kuchida qolishiga ishonch hosil qilishni istaydi.
Ukraina prezidenti Vladimir Zelenskiy AQSHga safari chog‘da Tramp bilan muloqotda Ukrainaning NATOga a’zo bo‘lish zaruratini muhokama qilganini aytgandi.
Zelenskiyga ko‘ra, Kiyevning yadroviy quroldan voz kechishi ham suhbat mavzularidan biri bo‘lgan.
Ukraina yetakchisi Budapesht memorandumini yadro qurolidan voz kechgan Ukrainani himoya qila olmaydigan samarasiz kelishuv sifatida eslagan:
“Bu yirik yadroviy davlatlarning qaysi biri jabr ko‘rdi? Hammasimi? Yo‘q, faqat Ukraina. Kim yadroviy quroldan voz kechdi? Ukraina. Bugun kim jang qilmoqda? Ukraina”.
Izoh (0)