Европа иттифоқи президентликка республикачи номзод Дональд Трамп ноябрь ойидаги сайловларда ғалаба қозонса, ушбу ғалабадан етказиладиган зарарни ҳисоблаб чиқмоқда. Бу ҳақда Financial Times нашри хабар берди.
Нашрга кўра, юқори мартабали амалдорлар Американинг Украинага кўрсатаётган ёрдами тўхтатилган тақдирда, мумкин бўлган товон пули ва Америка расмийлари чекловларни бекор қилса, Россияга қарши санкцияларни сақлаб қолиш вариантларини таҳлил қилмоқда.
25 октябрь куни маълум бўлдики, Трамп АҚШ президентлиги сайловларида ғалаба қозонса, Европа иттифоқи Россияга қарши санкцияларни кучайтириши мумкин. Шу билан бирга, Европа давлатлари расмийлари Оқ уй янги маъмурият келиши билан бу вазиятни ўзгартиришга қарор қилган тақдирда ҳам, Европа иттифоқининг чеклов чоралари узоқ вақт давомида ўз кучида қолишига ишонч ҳосил қилишни истайди.
Украина президенти Владимир Зеленский АҚШга сафари чоғда Трамп билан мулоқотда Украинанинг НАТОга аъзо бўлиш заруратини муҳокама қилганини айтганди.
Зеленскийга кўра, Киевнинг ядровий қуролдан воз кечиши ҳам суҳбат мавзуларидан бири бўлган.
Украина етакчиси Будапешт меморандумини ядро қуролидан воз кечган Украинани ҳимоя қила олмайдиган самарасиз келишув сифатида эслаган:
“Бу йирик ядровий давлатларнинг қайси бири жабр кўрди? Ҳаммасими? Йўқ, фақат Украина. Ким ядровий қуролдан воз кечди? Украина. Бугун ким жанг қилмоқда? Украина”.
Изоҳ (0)