Agar Tramp saylovda g‘alaba qozonsa, Ukraina va Rossiya o‘rtasida muzokaralar tashkil qilishni boshlaydi — CNN

Agar AQSHdagi prezidentlik saylovlarida Donald Tramp g‘alaba qozonsa, inauguratsiyaning ertasigayoq Rossiya va Ukraina o‘rtasida tinchlik muzokaralari tashkil qiladi. Bu haqda CNN Trampga yaqin manbaga tayanib xabar berdi.

Agar Ukraina unga yordam davom etishini istasa, muzokaralar stoliga o‘tirishi kerak. Agar Rossiya biz Ukrainaga yangi, katta miqdordagi yordamni berishimizni istamasa, u holda muzokaralar olib borishi kerak, — degan Tramp.

Biroq, uning qo‘shimcha qilishicha, bu Ukraina ushbu ssenariyda Rossiya tomonining barcha talablarini bajarishi kerak degani emas.

CNN ma’lumotlariga ko‘ra, yevropalik siyosatchilar va diplomatlar Tramp Oq uyga qaytsa, sodir bo‘lishi mumkin bo‘lgan oqibatlarni ko‘rib chiqmoqda. NATO va Yevropa Ittifoqi rasmiylari Donald Tramp AQSHning Ukrainaga ko‘rsatayotgan yordamini qisqartirishi va alyansdan ham shuni talab qilishidan cho‘chimoqda.

Telekanal manbalariga ko‘ra, yevropalik diplomatlar Trampning asosiy ittifoqchilari bilan uchrashuvlar va muzokaralar tashkil qilish, uning saylovdagi ehtimoliy g‘alabasi uchun “zamin tayyorlash” bilan band.