Yevropa Ittifoqi kengashi Rossiyaga qarshi barcha sanksiyalarni olti oyga, 2025-yil 31-yanvargacha uzaytirdi.
Bu haqda tashkilot bayonotida aytiladi. Qaror 2014-yildan beri qabul qilingan barcha sanksiyalarga taalluqlidir.
Umuman olganda, Yevropa Ittifoqi Rossiya yuridik shaxslariga qarshi 685 ta sanksiya kiritgan. Shuningdek, yana 1558 nafar jismoniy shaxsga nisbatan jazo choralari qo‘llangan.
Avvalroq AQSH prezidentligiga nomzod Donald Tramp Rossiyaga qarshi sanksiyalarni qo‘llamasligini ma’lum qilgandi.
“Men sanksiyalarni yoqtirmayman. Bunga avvaldan qarshi bo‘lganman”, degan Tramp amaldagi AQSH prezidenti Jo Baydenning Rossiyaga nisbatan tutgan yo‘liga munosabat bildirib.
“Sanksiya siyosati Oq uy mavqeyini tushirmoqda. Dunyo mamlakatlarining Vashingtonga nisbatan munosabati yomon tomonga o‘zgarmoqda”, degan prezidentlikka nomzod Tramp.
Izoh (0)