Yevroparlament Strasburgdagi yalpi majlisida Yevropa komissiyasi tomonidan Kiyevga muzlatib qo‘yilgan Rossiya aktivlaridan tushgan daromaddan to‘lash hisobiga 35 milliard yevro miqdorida kredit ajratish bo‘yicha taklif qilingan mexanizmni ma’qulladi. Bu haqida Yevropa Parlamenti veb-saytida xabar berildi.
518 nafar yevropalik deputat yoqlab, 56 nafar parlamentariy qarshi ovoz berdi, yana 61 nafar deputat betaraf qoldi. “Shunday qilib, biz Rossiyaning muzlatilgan aktivlaridan tushgan daromadni Ukrainani moliyalashtirish uchun ishlatayotganimiz haqida aniq signal yuboryapmiz”, dedi Yevroparlament raisi Roberta Metsola.
Yevroparlament ma’qullaganidan so‘ng, Ukrainaga 35 milliard yevro ajratish masalasi Yevropa Ittifoqi Kengashi tomonidan ko‘rib chiqilishi kerak, bu ish hafta oxirigacha amalga oshishi kutilmoqda. Shu bilan birga, Yevrokomissiyaning Rossiyaning Yevropa Ittifoqi yurisdiktsiyalarida muzlatilgan suveren aktivlarini ekspropriatsiya qilishga urinishlarini nazorat qiluvchi Yevropa komissari Didye Reynders, Kiyev faqat YIning dastlabki siyosiy shartlari bajarilgan taqdirdagina kredit olishini ta'kidladi. Bu masala alohida memorandumda mustahkamlanadi.
YIning 35 milliard yevrolik krediti G7 kredit liniyasining bir qismi bo‘lishi mo‘ljallangan bo‘lib, uning umumiy qiymati 50 milliard dollar yoki 45 milliard yevroni tashkil etishi kerak.
Yevropa Ittifoqi mamlakatlari yurisdiktsiyalarida Rossiya Federatsiyasi Markaziy bankining 220 milliard yevroga yaqin suveren aktivlarining asosiy qismi 2022-yilda bloklangan. Yevropa komissiyasining Rossiya Federatsiyasi suveren aktivlaridan olingan daromadlarni ekspropriatsiya qilish bo'yicha harakatlari asos qilib olingan. Yevropa komissiyasi tomonidan 2024-yil yanvar oyida qabul qilingan rezolyutsiyada muzlatilgan aktivlarni qayta investitsiyalashdan olingan daromadlar Rossiya mulki emasligi haqida qayd etilgan.
Rossiya prezidenti matbuot kotibi Dmitriy Peskov avvalroq Rossiya Yevropadagi o‘z aktivlari o‘g‘irlanishiga javob qaytarishini aytgan edi. Uning ta'kidlashicha, Moskva bunga aloqadorlarni qonuniy javobgarlikka tortishni tashkil etish niyatida. Peskovning fikricha, Yevropa Kiyevga yordam berish uchun Rossiya aktivlaridan foydalanishga qaror qilib, eng yomon yo‘lni tanladi.
Izoh (0)