Жиззах шаҳрига Хитойдан 30 та янги автобус олиб келинди, деб хабар бермоқда Транспорт вазирлиги.
Қайд этилишича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий ҳаракат таркиблари (янги автобусларни) олиб келиш ишлари давом этмоқда. Вилоятда йўловчи ташиш фаолияти билан шуғулланувчи “Жиззах Ориент Транс” ХК томонидан ХХР ишлаб чиқарилган 30 дона замонавий Zhongtong русумли автобуслари олиб келинди.
Ушбу автобуслар Жиззах шаҳридаги 3 та янги йўналишларга брутто-шартномаси асосида жойлаштирилиши режалаштирилган.
- 1-йўналиш: 107-сонли Зилол МФЙ—Нурафшон МФЙ йўналиш
- 2-йўналиш: 110-сонли Сўғдиёна МФЙ—Учариқ МФЙ йўналиш
- 3-йўналиш: 113-сонли Жиззах АШБ—Товар ХАБ йўналиш
Жорий йил якунига қадар вилоятга яна 60 та автобус олиб келиш режалаштирилган.
Бундан аввал Ангренга 15 та Yutong автобуслари олиб келинганди. Зоир Мирзаев 2024 йил октябрида ўтказган ҳокимлик соатида Тошкент вилоятида транспорт соҳасидаги хизматларни яхшилаш учун 1000 та янги автобус харид қилиш бўйича топшириқ берганди.
Транспорт вазирлиги матбуот хизматининг билдиришича, ҳудудларда аҳолига кўрсатилаётган транспорт хизматлари сифатини яхшилаш мақсадида замонавий автобусларни олиб келиш ишлари давом этмоқда. Тошкент шаҳрига яна 1000 та Yutong автобусларини олиб келиш имкониятлари ўрганилмоқда. Андижон вилоятига Хитойдан 100 та электробус харид қилиниши режалаштирилган.
Изоҳ (0)