Буюк Британиянинг Фоур Фоур Two журнали “Барселона” тарихидаги энг яхши футболчилар рейтингини эълон қилди. Кутилганидек, биринчи ўринни клуб афсонаси Лионель Месси эгаллади. У “Барселона” сафида 8 та “Олтин тўп” соҳибига айланган. Шунингдек, клуб билан деярли барча совринларни қўлга киритди. Ҳужумчи “кўк-анорранглилар” сафидаги 17 йиллик фаолиятидан кейин 2021 йилда клубни тарк этган.
Иккинчи ўринни клубнинг яна бир афсонаси, ярим ҳимоячи Хави эгаллаган бўлса, кучли учликка ўз вақтининг энг яхши футболчиларидан бири Андрес Иньеста якун ясади.
“Барселона” тарихидаги энг яхши футболчилар (топ-10):
- Лионель Месси
- Хави Эрнандес
- Андрес Иньеста
- Йохан Кройф
- Роналдиньо
- Диэго Марадона
- Самуел Эт’О
- Роналд Куман
- Сезар Родригес
- Микаэл Лаудруп
Шунингдек, Серхио Бускетс 11-ўриндан жой олган, бразилиялик ҳужумчи Роналдо13-поғонада қайд этилган. Хосеп Гвардиола эса 19-ўринни эгаллаган бўлса, клубнинг ҳозирги пайтдаги етакчиларидан бири — Ламин Ямал эса 41-ўринда турибди.
Изоҳ (0)