Jizzax shahriga Xitoydan 30 ta yangi avtobus olib kelindi, deb xabar bermoqda Transport vazirligi.
Qayd etilishicha, hududlarda aholiga ko‘rsatilayotgan transport xizmatlari sifatini yaxshilash maqsadida zamonaviy harakat tarkiblari (yangi avtobuslarni) olib kelish ishlari davom etmoqda. Viloyatda yo‘lovchi tashish faoliyati bilan shug‘ullanuvchi “Jizzax Oriyent Trans” XK tomonidan XXR ishlab chiqarilgan 30 dona zamonaviy Zhongtong rusumli avtobuslari olib kelindi.
Ushbu avtobuslar Jizzax shahridagi 3 ta yangi yo‘nalishlarga brutto-shartnomasi asosida joylashtirilishi rejalashtirilgan.
- 1-yo‘nalish: 107-sonli Zilol MFY—Nurafshon MFY yo‘nalish
- 2-yo‘nalish: 110-sonli So‘g‘diyona MFY—Uchariq MFY yo‘nalish
- 3-yo‘nalish: 113-sonli Jizzax ASHB—Tovar XAB yo‘nalish
Joriy yil yakuniga qadar viloyatga yana 60 ta avtobus olib kelish rejalashtirilgan.
Bundan avval Angrenga 15 ta Yutong avtobuslari olib kelingandi. Zoir Mirzayev 2024-yil oktyabrida o‘tkazgan hokimlik soatida Toshkent viloyatida transport sohasidagi xizmatlarni yaxshilash uchun 1000 ta yangi avtobus xarid qilish bo‘yicha topshiriq bergandi.
Transport vazirligi matbuot xizmatining bildirishicha, hududlarda aholiga ko‘rsatilayotgan transport xizmatlari sifatini yaxshilash maqsadida zamonaviy avtobuslarni olib kelish ishlari davom etmoqda. Toshkent shahriga yana 1000 ta Yutong avtobuslarini olib kelish imkoniyatlari o‘rganilmoqda. Andijon viloyatiga Xitoydan 100 ta elektrobus xarid qilinishi rejalashtirilgan.
Izoh (0)