Тошкент шаҳридаги айрим автобус йўналишларига ўзгартиришлар киритилди, деб хабар бермоқда Транспорт вазирлиги ахборот хизмати.
Маълум қилинишича, 2025 йил 5 мартдан бошлаб йўловчи оқими ва фуқаролар мурожаатларини инобатга олган ҳолда айрим автобус йўналишларига ўзгартиришлар киритилади. Хусусан:
- 29-сонли “Ҳувайдо” маҳалласи—“Пахтакор” метроси: Беруний ва Ал-Хоразмий кўчалари кесишмасидан чапга бурилиб ҳаракатланади.
- 120-сонли “Чорсу” метроси—“Гулистон” маҳалласи: “Чорсу” метросидан “Гулистон” маҳалласига боришда ва қайтишда А.Навоий кўчаси орқали ҳаракатланади.
- 105-сонли Сергели қўрғони—Чилонзор буюм бозори: Хонабод кўчасидан ҳаракатланади, Улгуржи бозорига кирмайди.
- 117-сонли Тошкент қувур заводи—Food City: Тошкент қувур заводидан келишда Улгуржи бозори орқали ҳаракатланади.
- 154-сонли “Бобур” маҳалласи—Зангиота юқумли касалликлар шифохонаси: “Бобур” маҳалласидан ТҲАЙ ва Янги Сергели кўчалари орқали ҳаракатланади.
- 87-сонли Ал-Хоразмий мавзеси—Қорақамиш 2/4 мавзеси: Гулистон, Пойгоҳ, Қурилиш, Қовунчи кўчалари орқали Чилонзор 30-даҳаси бекатигача ҳаракатланади.
- 17Т-сонли Бекобод мавзеси—Чилонзор буюм бозори: Чилонзор буюм бозоридан келишда Бешқайрағоч, Бекобод, Истироҳат кўчалари орқали ҳаракатланади.
- 99-сонли Сувсоз мавзеси—“Фарҳод” бозори: Сувсоз мавзесидан келишда Кичик ҳалқа йўли, Лутфий ва Фарҳод кўчалари орқали ҳаракатланади.
- 12-сонли “Қўйлиқ” деҳқон бозори—Қушбеги мавзеси: Қушбеги мавзесидан Кичик ҳалқа йўли ва Бобур кўчалари орқали Халқаро аэропорт-2 бекатигача ҳаракатланади.
- 174-сонли “Авиасозлар” АШБ—Жумабозор қўрғони: “Жумабозор” АШБдан Жумабозор қўрғони бекатигача узайтирилади.
Бундан аввал Тошкентда таровиҳ намозлари сабаб айрим автобус йўналишлари ўзгартирилиши айтилганди.
Бу қайси автобусларга тегишли?
Ушбу ўзгаришлар қуйидаги сонли автобус йўналишлари қатновига тегишли:
50, 22, 127, 18, 106, 148,9Т, 12, 32, 45, 62, 69, 70, 114, 143, 8Т, 20, 27, 35, 46, 53, 73, 91, 146, 42, 43, 109, 65, 118, 120,118, 120, 38, 50,13, 56, 64, 73, 87, 114, 139,56, 118, 150, 17Т, 98,18, 77, 80, 103, 135, 3,137, 161, 65, 78, 71 ва 29.
Қўшимча қилинишича, ушбу йўналишларда қатнов вақти ҳамда автобуслар оралиқ вақти белгиланган вақтдан ортиб кетиши мумкин.
Шунингдек, Тошкент шаҳрида йўловчилар АТТО транспорт ва виртуал карталарига ўтгач, январь ойида 3,2 миллиард сўм пул тежагани маълум бўлганди.
Изоҳ (0)