Ўзбекистон давлат қарзи 40 млрд доллардан ошиши, таълим тили ўзбек тили бўлмаган синф битирувчилари ҳам давлат тилидан имтиҳон топшириши, Сенатор хусусий боғчаларда болаларга нисбатан зўравонлик ҳолатлари юзасидан мактабгача ва мактаб таълими вазирига сўров юбориши — “Дарё” нашри бугун, 27 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
“Ўзбекистонни қайтадан трансформация қилдингиз” — Покистон бош вазири Шавкат Мирзиёев ҳақида
Шаҳбоз Шариф Ўзбекистон—Покистон саммити якунидаги брифингда Ўзбекистонда камбағаллик даражаси тушиб, савдо кўрсаткичи ошганини мўжиза деб атади.
Ўзбекистонда автомобиль бошқариш ҳуқуқидан маҳрум қилинганлар профилактик назоратга олиниши мумкин
“Ҳуқуқбузарликлар профилактикаси тўғрисида”ги қонунга ўзгартириш ва қўшимчалар киритилиши кутилмоқда.
Тошкент вилоятидаги 7 та шаҳарга 170 та янги автобус харид қилинади
Жамоат транспорти етиб бормаган ҳудудларни қамраб олган ҳолда 12 та янги йўналиш ташкил этилади.
Ўзбекистон давлат қарзи 40 млрд доллардан ошди
Кредитларнинг 84 фоизи ташқи қарз ҳисобланади.
Энди таълим тили ўзбек тили бўлмаган синф битирувчилари ҳам давлат тилидан имтиҳон топширади
Она тили ва адабиёти ҳамда давлат тилидан якуний давлат аттестацияси ёзма шаклда ўтказилади.
“Хавотирланишга асос йўқ” — Нурмат Отабеков мавсумий респиратор касалликлар билан боғлиқ вазият ҳақида
Ижтимоий тармоқларда мактаб ва боғчаларда ўткир респиратор вирусли инфекциялар авж олаётгани, поликлиникалар бемор болалар билан тўлиб кетгани ҳақида хабарлар тарқалганди.
Теmu Ўзбекистонда блокланиши мумкин
Истиқболли лойиҳалар миллий агентлиги бунинг сабабини маълум қилди.
Диний соҳадаги давлат сиёсатининг асосий вазифалари белгиланди. Улар қайсилар?
Фуқаролар виждон эркинлигига бўлган ҳуқуқларини амалга ошириши учун шарт-шароитлар яратилади.
Ўзбекистонда ҳомийлик хайрияларини йиғиш тартибини бузганлар жаримага тортилиши мумкин
Ҳомийлик фаолиятини амалга ошириш тартибини такомиллаштиришга қаратилган қонун лойиҳаси жамоатчилик муҳокамасига қўйилди.
Янгийўлда ишчиси бошига темир дастгоҳ тегиши оқибатида вафот этган корхона раҳбари 2 йилга қамалди
Воқеа 2024 йилнинг 8 июнь куни содир бўлган.
Ўзбекистонда чиройли рақамли ID карталар, паспорт ва ҳайдовчилик гувоҳномалари қиммат нархда берилади
2025 йил 1 мартга қадар шу каби хизматларни кўрсатиш бўйича ахборот тизими ишлаб чиқилади ҳамда ишга туширилади.
Сенатор хусусий боғчаларда болаларга нисбатан зўравонлик ҳолатлари юзасидан мактабгача ва мактаб таълими вазирига сўров юборди
Аввалроқ Юнусобод ва Мирзо Улуғбек туманларидаги хусусий боғчаларда зўравонлик ҳолатлари содир бўлганди.
Шавкат Мирзиёев Халқаро дзюдо федерацияси раҳбарига “Дўстлик” орденини топширди
Мамлакатда дзюдо бўйича халқаро мусобақаларни мунтазам ўтказиб бориш таклифи билдирилди.
Тошкентда автобус техник носозлик сабаб дарахтга урилди (видео)
Ҳодиса оқибатида бир киши жароҳат олган.
Ўзбекистонда рамазон ойи 1 мартдан бошланади
Ушбу ойда “Рамазон – саховат, бирдамлик ва бағрикенглик ойи” ғояси асосида бир қатор ишлар амалга оширилади.
Олий суд ҳузурида Ахборот технологиялари маркази ташкил этилади
Давлат раҳбари бунинг учун судлар ва барча алоқадор ташкилотларнинг ахборот тизимлари интеграцияси муҳимлигини, қулайликларни одамлар сезиши кераклигини таъкидлади.
Журналист Рухсора Ғафуровага оид суд иши суриштирув органига қайтарилди
Журналист ўзгалар номига кредит олиб, уни ўзлаштирганликда гумон қилинаётган собиқ банк ходими ҳақида материал тайёрлаган ва уни эфирга узатгани ортидан маҳкамага тортилганди.
Чинозда ука ўз опасини ўлдириб, 7 кун уйда сақлади
Кейин дўстларига телефон қилиб воқеа ҳақида хабар берган.
Изоҳ (0)