Тошкент шаҳар Мирзо Улуғбек туманида автобус техник носозлик сабаб дарахтга урилгани ҳақида хабар берилган эди. Ҳайдовчи воқеа ҳақида гапириб берди.
Унинг сўзларига кўра, ўша пайт светафорнинг қизил чироғи ёнган бўлган. Лекин у техник носозлик сабаб автобусни тўхтата олмаган. Шу пайт транспорт ичида ўнлаб йўловчилар бўлган.
Икки йилдан бери автобус ҳайдайман. Тезлик 35 атрофида эди. Дастлаб енгил машинага, кейин дарахтга урилдим. Йўловчиларни тезликда қутқарганман. “Полик”ка ётинглар, деганман, дейди ҳайдовчи.
Йўловчилар эвакуация қилинган. Ҳодиса жойига тез ёрдам машиналари келиб, уларга тез тиббий ёрдам ҳам кўрсатилган. Оғир жароҳатланганлар бўлмаган. Маълумотларга кўра, бир киши жароҳат олган.
Ҳозирда ҳодисанинг барча ҳолатларини ўрганиш бўйича текширув ўтказилмоқда.
17 февраль куни Тошкентнинг Шайхонтоҳур туманида автобуснинг мотор қисмининг электр симларида қисқа туташув содир бўлганди. 2024 йил 19 декабрь куни Янги Сергели ва Қипчоқ кўчалари чорраҳасида автобусда ёнғин чиққанди.
Транспорт вазирлиги берган маълумотга кўра, Тошкент шаҳрига яна 1000 та Yutong автобусларини олиб келиш имкониятлари ўрганилмоқда.
Изоҳ (0)