Хоразм вилоятининг Урганч шаҳрига Хитойдан 50 та замонавий автобус олиб келинди. Бу ҳақда шаҳар ҳокимлиги матбуот хизмати хабар берди.
Автобусларни фойдаланишга топшириш маросимида вилоят ҳокими Жўрабек Рахимов иштирок этиб, вилоятда аҳолига транспорт хизмати кўрсатишни яхшилаш борасида амалга оширилаётган ишлар, янги лойиҳалар ҳақида тўхталган.
Маълум қилинишича, автобуслар “Бунёд йўловчи ташиш” МЧЖ томонидан олиб келинган. Жорий йил охиригача ушбу русумдаги автобуслардан яна 30 таси келтирилади. Натижада шаҳарда 16 та йўналишда 148 та автобус ҳаракатланиб, ҳар куни 136 минг нафар йўловчига хизмат кўрсатиш имконияти яратилади. Муҳими, шаҳарда йўловчи ташиш ҳажми икки баробардан ортади ва қатновларнинг оралиқ интервали 18 дақиқадан 10 дақиқага қисқаради.
Аввалроқ Хитойдан Гулистон шаҳрига 8 та, Наманганга эса 36 та замонавий автобус олиб келингани хабар қилинганди.
Изоҳ (0)