Тошкентда таровиҳ намозлари сабаб айрим кўчалар вақтинча ёпилиши, Сурхондарёда сўроққа олиб кетилган фермер вафот этиши, Фарғонада “Халқ банки” мансабдорлари ёрдам ва нафақа пулларини ўзлаштиргани аниқланиши — “Дарё” нашри бугун, 28 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда таровиҳ намозлари сабаб айрим кўчалар вақтинча ёпилади
Рамазон ойида масжидлар яқинидаги йўллар соат 18:00 дан 24:00 гача автомобиллар ҳаракати учун чекланади.
Андижонда ноқонуний йўл билан Японияга ишга юборишни ваъда қилган шахслар ушланди (видео)
Уларга нисбатан фирибгарлик моддаси билан жиноят иши қўзғатилди.
Ўзбекистонда таровиҳ намози ўқиладиган вақтлар эълон қилинди
Хусусан, Тошкент шаҳрида соат 20:30 дан бошлаб ўқилади.
1999 йилги 100 минг сўм ҳозир 1,2 млн сўмга тенг. Марказий банк инфляция калкуляторини ишга туширди
Ҳисоблагич аҳоли ва бизнес харид қобилиятига инфляция қандай таъсир қилганини баҳолаш имконини беради.
Ўзбекистонда таксичилик ўзини ўзи банд қилганлар шуғулланадиган фаолият рўйхатига киритилди
Бунинг учун ташувчилар лицензия олиши керак, автомобилда Тахи белгили фонар ўрнатилиши лозим.
Ўзбекистонда доллар курси 10 кунлик пастлашдан сўнг кўтарилди
Марказий банк хорижий валюталарнинг 3 мартда амалда бўладиган қийматини эълон қилди.
Ўзбекистонда ноқонуний ишдан бўшатилганларга тўланмай қолган 40 млрд сўмлик иш ҳақлари ундирилди
Йил бошидан буён ноқонуний ишдан бўшатилган 68 киши ишга тикланди.
Ўзбекистонда 2025 йил учун закот, фитр садақа ва фидя миқдори эълон қилинди
Бир кунлик фидя миқдори фитр садақанинг миқдори билан бир хил бўлади.
Сурхондарёда сўроққа олиб кетилган фермер вафот этди
Экспертиза кўриги вақтида унинг баданида бирор-бир тан жароҳати ва унинг излари аниқланмагани кўрсатилган.
Ўзбекистонда марказий шифохоналарда тиббиёт билан боғлиқ бўлмаган хизматлар хусусий секторга ўтказилади
Шавкат Мирзиёев ижтимоий соҳада давлат-хусусий шериклик лойиҳаларини самарали ташкил қилишга оид тақдимот билан танишди.
Суд органларига шу кунгача қанча мурожаат электрон шаклда келиб тушгани маълум бўлди
Суд тизимининг рақамлаштирилиши барча алоқадор ташкилотлар ва фуқаролар билан самарали маълумот алмашишни таъминлайди.
Фарғонада “Халқ банки” мансабдорлари ёрдам ва нафақа пулларини ўзлаштиргани аниқланди
Улар 68 нафар фуқаронинг хабарисиз ва иштирокисиз уларнинг номига банк карталарини очган.
Рамазон ойида 1,7 мингта масжидда Қуръони карим хатм қилинади
Бунинг учун мазкур масжидларга 3,5 мингга яқин қорилар жалб этилади.
Ўзбекистон Россия билан қурилиш соҳасидаги кенг кўламли кооперацияни ривожлантиради
Шавкат Мирзиёев Россия ҳукумати раисининг ўринбосари Марат Хуснуллин бошчилигидаги делегацияни қабул қилди.
Ўзбекистонда йил бошидан бери қанча оила яраштирилгани очиқланди
Шунингдек, ундириб берилган алимент пуллари бўйича ҳам маълумот берилди.
Шавкат Мирзиёев рамазон ойи кириб келиши муносабати билан Ўзбекистон халқига табрик йўллади
“Ушбу муқаддас ойда қилинадиган ибодат ва дуолар, эҳсон ва амалларни Парвардигори олам ўз даргоҳида қабул эцин!”, дейилади табрикда.
Тошкентда таровиҳ намозлари сабаб айрим автобус йўналишлари ўзгартирилади
Ёпиладиган кўчалардан ҳаракатланувчи автобус йўналишларининг ҳаракати ёндош кўчалар орқали ўзгартирилади.
Изоҳ (0)