Тошкент шаҳрининг Мирзо Улуғбек туманидаги Зиёлилар кўчасида автобуснинг юриш қисмидаги техник носозлик кузатилди. Бу ҳақда пойтахт ҳокимлиги матбуот хизмати хабар берди.
Оқибатда автобус дарахтга урилган. Воқеа жойига тезкор равишда қутқарув хизматлари ва тез тиббий ёрдам бригадалари етиб келган.
Маълумотларга кўра, бир киши жароҳат олган.
Ҳозирда ҳодисанинг барча ҳолатларини ўрганиш бўйича текширув ўтказилмоқда.
17 февраль куни Тошкентнинг Шайхонтоҳур туманида автобуснинг мотор қисмининг электр симларида қисқа туташув содир бўлганди. 2024 йил 19 декабрь куни Янги Сергели ва Қипчоқ кўчалари чорраҳасида автобусда ёнғин чиққанди.
Транспорт вазирлиги берган маълумотга кўра, Тошкент шаҳрига яна 1000 та Yutong автобусларини олиб келиш имкониятлари ўрганилмоқда.
Изоҳ (0)