Кинематография оламида тасвирга олишдан аввал бош ва иккинчи даражали ролларга актёрларни танлаш доим мураккаб жараён ҳисобланади. Кастинг директори муносиб номзодни топгунча мингдан ортиқ одамни “кўриб чиқиши” мумкин. Бироқ кўпинча режиссёрлар ва сценарий муаллифлари кадрда кўришни орзу қилган маълум бир актёр учун ролларни махсус яратади.
Ума Турман — “Биллни ўлдириш” фильмида Beatрикс Киддо ролида
Режиссёр Квентин Тарантино Ума Турман билан “Жиноий асар” фильмида ишлаган, унда актриса жиноятчининг хотини ролини ижро этган. Бу рол сабаб у “Оскар” мукофотига номзод бўлган. Аммо ўшанда Тарантино янада кенгроқ лойиҳани ўйлаб қўйганди.
У Ума Турман билан бирга, айнан у учун ёзилган қасос ҳақидаги фильм устида ишлайди. Тез орада “Биллни ўлдириш” сценарийси ёзилди. Тарантино монтажда баъзи саҳналарни қисқартиришни истамагани учун продюсер Харви Вайнштейннинг маслаҳати билан фильм икки қисмли бўлади.
Фильм режиссёрнинг энг машҳур асарларидан бирига айланади. Унда ҳар бир актёр алоҳида эътибор билан танланган ва труклар учун “Матрица” фильми жанг саҳналарининг режиссёри Юен Ву-Пинг масъул бўлган.
Билл Мюррей — “Таржима машаққати” фильмида Боб Харрис ролини ижро этган
“Таржима машаққати” романтик драмасида Билл Мюррейдан бошқа актёрни тасаввур қилиш қийин. Режиссёр София Коппола эътироф этганидек, Боб Харрис роли айнан Мюррей учун ёзилган, бироқ фақат сценарийнинг ўзи етарли бўлмаган. Узоқ вақт давомида Коппола актёр билан боғлана олмайди. У ўша пайтда эндигина иш бошлаган режиссёр эди, Мюррей эса жаҳон миқёсидаги юлдуз бўлган.
Коппола Мюррей шунчаки ролни рад этади деб ўйларди. Аммо вақт ўтиб, у сценарийни ўқийди ва ортиқча саволларсиз Токиога учиб кетади, чунки фильм айнан ўша ерда суратга олинаётганди. Натижада София Коппола бир неча кун ичида бир-бирини севиб, ажрашишга ва ҳаётларини бутунлай ўзгартиришга улгурган эркак ва аёл ҳақида самимий мелодрама яратади.
Райан Гослинг — “Барби” фильмдаги Кен
Режиссёр Грета Гервиг “Барби” сценарийсида Кен ролини айнан Райан Гослинг ўйнаши учун алоҳида рол ажратган. У ўз таклифини актёрга электрон почта орқали юборган.
Гослинг эътироф этишича, Гервигнинг мактубини ўқигач, таклифни ўйлаб кўриш мақсадида уйининг орқа ҳовлисига чиққан. Айнан шу пайтда у тўсатдан қизи ўйнаётган Кен қўғирчоғини кўриб қолган. Қўғирчоқ эзилган лимон ёнида, юзи билан лой ичида ётган экан. У бу қўғирчоқнинг суратини Грета Гервигга юбориб, шундай деб ёзган: “Мен сенинг Кенинг бўламан, чунки бу ҳикояни албатта айтиб бериш керак”.
Марлон Брандо — “Чўқинтирган ота” Vito Корлеоне ролида
“Чўқинтирган ота” сценарийси ёзилаётганда Paramount Pictures продюсерлари Марлон Брандонинг мафия бошлиғи ролини ижро этишига қарши эди. Ўша пайтларда актёрнинг обрўси суратга олиш майдончаларидаги доимий можаролар ва у қатнашган фильмларнинг паст даромадлари туфайли яхши эмасди.
Бироқ Френсис Форд Коппола ва “Чўқинтирган ота” асари муаллифи Марио Пюзо Vito Корлеоне ролини айнан Марлон Брандо ижро этиши кераклигини қатъий талаб қилади. Таклифни олгач, актёр узоқ ўйланмай рози бўлади ва бу рол унинг фаолиятидаги энг машҳур ролга айланди.
Сэмюэл Л. Жексон —“Жиноий асар” фильмидаги Жулс Уиннфилд ролида
“Жиноий асар” фильмидаги Жулс Уиннфилд Америка кинематографиясининг энг кўп иқтибос келитирилган қаҳрамонларидан биридир. Актёр Самуэл Л. Жексон фильм суратга олинишидан анча олдин режиссёр Квентин Тарантино билан таниш эди. Жексон “Қутурган итлар” фильмида рол ўйнаши керак эди, аммо фильмда унга мос рол топилмайди. Тарантино актёрга кейинги фильми “Жиноий асар”да рол тайёрлаб қўйганини айтади.
Жексон кастингга келганида кастинг-менежерлар уни Лоренс Фишберн деб ўйлашади. Бу актёрни шунчалик ғазаблантирдики, у монологини ғазаб билан ўқийди. Айнан шу Самуэл Л. Жексонга Тарантинонинг жиноий драмасида Жулс Уиннфилд ролини олишига ёрдам беради.
Кейт Уинслет — “Таътиллар алмашганда” фильмида Айрис Симпкинс ролида
2006 йилда суратга олинган “Таътиллар алмшганда” романтик комедиясида Кемерон Диас, Кейт Уинслет, Жек Блек ва Жуд Лоу каби кўплаб машҳур юлдузлар рол ўйнаган. Маълум бўлишича, режиссёр Ненси Майерс Amanda, Айрис, Майлз ва Грем ролларини тўртала актёр учун махсус ёзган экан.
Томошабинлар ва танқидчиларнинг эътиборини энг кўп жалб этган нарса Кейт Уинслетнинг ажойиб ижроси бўлди. Эътиборли жиҳати шундаки, фильмда Руфус Сюелл исмли актёр ҳам рол ўйнаган бўлиб, Уинслет ва у реал ҳаётда ҳам бир-бирларини яхши кўрган.
Изоҳ (0)