Вьетнамлик саёҳатчи блогер Ҳоа Паг Токиодаги машҳур ресторан ҳақида видеошарҳ ёзди.
20 дақиқадан кўпроқ вақт давомида эркак таомлар буюртма қилди ва татиб кўрди, ёнида ўтирган Натали Портманни эса эътиборсиз қолдирди. Паг унинг ёнида ким ўтирганини билмаганини, шунинг учун Портманга эътибор бермаганини айтди. Уни рестораннинг бошқа мижозлари доимо ёнида ўтирган аёлга яқинлашиб, у билан суратга тушишни сўраши ҳайратга солди. “Мен жуда ғазабландим. Бу ерда биринчи рақамли ветнамлик ютубер ўтирибди, улар эса ёнимдаги аёл билан суратга тушишяпти, деб ўйладим. Ким ўйлабди дейсиз”, дея ўз муносабатини изоҳлади Паг.
Блогер Натали Портман билан бирга овқатланганини видео эълон қилинганидан кейин билиб олди: обуначилари изоҳларда бу ҳақда айтиб беришди. Паг бошқа фойдаланувчилар билан бирга бу вазиятга кулди: “Торнинг рафиқаси билан ёнма-ён ўтириш ва ҳатто саломлашмаслик, ақл бовар қилмайди”, деди у.
Изоҳ (0)