Актёрлар, хонандалар, блогерлар ва бошқа машҳурлар электрлашган ҳаёт тарзини танламоқда. Улар оддий машиналар ўрнига электромобилларга ўтмоқда. Ушбу жамланмада Голливуд юлдузларидан тортиб Британия қироллик оиласи аъзоларигача бўлган таниқли инсонлар бор. Улар ўз обрўсидан фойдаланиб, электромобилларнинг фойдали томонларини бошқаларга ҳам тарғиб қилмоқда. Машҳурлар электромобилларни замонавий технологиялари, фойдаланишга қулайлиги ва табиатга фойдали экани учун ёқтириб қолишган.
Кичик Роберт Дауни — Audi e-Tron
Кичик Роберт Дауни Темир одам костюмини Audi e-Tron кўринишидаги элегант ва экологик тоза ғилдираклар тўпламига алмаштирди. Темир одам экранда дунёни қутқараётган пайтида, Кичик Дауни ўзининг электр аравасида Голливуд бўйлаб сайр қилиб, бир вақтнинг ўзида қандай қилиб замонавий ва экологик тоза бўлиш мумкинлигини намойиш этади.
Мате Римац — Rimak Nivera
Rimak Automobili асосчиси ва бош директори ҳамда яқинда Bugatti бош директори этиб тайинланган Мате Римац автомобилларни яхши тушуниши табиий ҳол ва у ўз компаниясининг флагман электромобили Rimak Neveraʼни ҳайдаши жуда ўринли. Ушбу электр гиперкарининг асосий хусусияти унинг 1914 от кучига эга тўрт моторли қурилмасида бўлиб, у 2,4 сонияда 100 км/соатгача тезлашади. Автомобильнинг максимал тезлиги эса 412 км/соатни ташкил қилади. Хорватиялик инноватор юқори унумдорликка эга электр суперкарлар бозорида етакчилик қилмоқда.
Жеймс Мей — Toyota Mirai
Автожурналист, “Тhе Grand Tour” бошловчиси Жеймс Мей автомобилларни яхши билади, ўз фаолияти давомида юзлаб автомобилларни синовдан ўтказди ҳамда шахсий транспорт воситаларидан бири сифатида у водород двигателли Toyota Miraiʼни танлади. Аммо Мей ўз автопаркини электрон автомобиль билан биринчи марта тўлдираётгани йўқ. Унинг пухта ўйланган ва анча ранг-баранг тўпламига BMW i3 ва Tesla Model S ҳам киради.
Эд Ширан — Volkswagen ID.Buzz
Британиялик мусиқачи, сон-саноқсиз ҳит-парадлар етакчиси ўзи учун классик Volkswagen микроавтобусининг замонавий вариантини танлади. ID.Buzz нафақат ретро кўриниши билан жозибадор, балки кучли электр қурилмасига эга ва носталгияни илғор технологиялар билан уйғунлаштиришни қадрлайдиган мусиқачи учун жуда мос келади. VW фургони ҳар доим поп-маданият тимсоли бўлиб келган.
Метт Деймон — Karma Revero
“Оскар”ни қўлга киритган актёрнинг Karmа Revero автомобили экрандаги образлари каби замонавий ва нафис. Ўзининг камтаринлиги билан танилган актёр яқинда қайта тикланган Фискер компаниясининг оддий автомобилини танлади. Чиройли тўрт эшикли EV электр мотор ва кичик бензинли двигателни бирлаштирган бўлиб, у батареяни зарядлаш учун генератор сифатида ишлайди.
Шаҳзода Гарри — Audi e-Tron
Сассекс герцоги, узоқ вақтдан бери экологик тоза ҳаёт тарафдори ва атроф-муҳитнинг фаол ҳимоячиси сифатида Audi e-Tron 55 ни танлади. Audi e-Tron 55 флагман электромобили 95 кВ/соат сиғимли аккумулятор билан жиҳозланган бўлиб, бир зарядда 362 км масофани босиб ўтишга қодир. Автомобиль ўз синфидаги энг яхши автомобиль технологияларидан бири ҳисобланиб, у ҳатто қироллик оиласи аъзоларини ташиш учун ҳам мос келади.
Кемерон Диас — Tesla Model S
Америкалик актриса — экологик тоза автомобиллар тенденциясига қўшилган кўплаб машҳурлардан бири. Tesla Model S нафақат элегант ва замонавий кўринишга эга, балки атроф-муҳитга ҳам ғамхўрлик қилади ва илғор технологиялар билан жиҳозланган. Бир зарядда 647 км гача масофани босиб ўтиш имконияти билан Model S тез-тез зарядлаш учун тўхташга ҳожат қолдирмай, узоқ сафарлар учун идеал автомобиль ҳисобланади. Model S 17 дюймли сенсорли экран, Wi-Fi уланиш имконияти ва илғор овоз тизимларига эга ажойиб автомобиль кўнгилочар тизими билан ажралиб туради. Камерон Диас, Леонардо Ди Каприо ва Уилл Смит ўзларининг автомобиллари сифатида Tesla Model Sʼни танлагани ажабланарли эмас.
Изоҳ (0)