Исроилдаги Фронт орти буйруғи томонидан ракеталар билан боғлиқ хавф-хатар юзага келган ҳолатда огоҳлантириш тартиби янгиланди. Бу ҳақда Ўзбекистоннинг Исроилдаги элчихонаси хабар берди.
Фуқароларга ракета ҳужуми таҳдиди бўлса, қуйидаги тартибга қатъий амал қилиш лозимлиги айтилди. Жумладан:
1-босқич — Тайёргарлик (10 дақиқа олдин):
- Огоҳлантириш сигнали ёки расмий хабар берилгач, паноҳ жойига киришга тайёрланинг.
2-босқич — Сирена ёки сигнал эшитилгандан кейин:
- Белгиланган вақт ичида ҳимояланган жойга (бомбоубежище/мамат) шошилиб киринг.
3-босқич — Паноҳ жойида қолиш:
- Фақат расмий рухсатдан сўнггина бошпанани тарк этиш мумкин. Рухсат берилмагунча чиқманг!
Фуқаролардан Исроил Фронт орти буйруғи кўрсатмаларини қатъий амалга ошириш, бу эса инсон ҳаётини сақлаб қолиши мумкинлиги айтилди.
Исроил Эрондаги ядровий объектлар ва юқори мартабали ҳарбийларни нишонга олаётганига жавобан Теҳрон яҳудий давлатига баллистик ракеталар учирмоқда. Исроил ракеталарнинг кўпини уриб туширган бўлса-да, бир нечтаси мудофаани ёриб ўтиб, Тель-Авив маркази ва бошқа ҳудудларга зарар етказган.
Элчихонанинг фуқароларга мурожаатлари:
- Исроил ҳаво ҳудуди ёпилиши сабаб авиақатновлар вақтинча тўхтатилди.
- Исроилдаги ўзбекистонликларга заруриятсиз кўнгилочар жойларга бормаслик тавсия қилинди.
- Эрондаги ўзбекистонликлар ракета отишмалари сабаб огоҳликка чақирилди.
- Исроилдаги ўзбекистонликлар эҳтимолий ҳужумлар туфайли огоҳликка чақирилди.
- Фронт орти буйруғи: Ўзбекистоннинг Исроилдаги элчихонаси мурожаат билан чиқди.
- Исроилдаги хорижий фуқаролар визаси муддати автоматик тарзда узайтирилди
Ўзбекистон Ташқи ишлар вазирлиги Яқин Шарқда тобора кескинлашаётган ҳарбий-сиёсий вазият муносабати билан Эрон ва Исроилда бўлган Ўзбекистон фуқароларига тавсиялар берди. Жумладан:
- ҳарбий ва бошқа давлат объектларига яқинлашмаслик, уларни фото ва видеога олмаслик;
- одамлар кўп тўпланадиган жойлардан йироқда бўлиш;
- маҳаллий ҳукумат органлари томонидан берилаётган кўрсатмаларга сўзсиз риоя қилиш, зарурат туғилганда махсус бошпаналарга ёки хавфсиз жойларга йўл олиш.
Фуқаролардан зарурат туғилганда Ўзбекистоннинг Эрон ва Исроилдаги дипломатик ваколатхоналари билан боғланиш сўралди.
Изоҳ (0)