Эроннинг Рей шаҳрида Исроил учун камикадзе-дронлар ва қўлбола бомбалар йиғувчи махфий устахона топилди. Бу ҳақда шаҳар ҳуқуқ-тартибот кучлари қўмондони полковник Ҳусайн Мафи хабар берди.
-9y2-Wh2b.avif)
Маълум қилинишича, устахона Теҳроннинг жанубий чеккасида жойлашган. Фуқаролар у ерга шубҳали ташрифлар ҳақида кўрсатма берган.
Разведка гуруҳлари ва полиция ходимлари суд ордерини олганидан сўнг, дарҳол операцияни бошлади... Мазкур хонадон бўйича ўтказилган тергов давомида кўп миқдордаги дронлар, камикадзе-дронлар ишлаб чиқариш учун ускуналар, қўлбола бомбалар ва бошқа жиҳозлар аниқланди ҳамда мусодара қилинди, дейди Ҳусайн Мафи.
Унинг аниқлик киритишича, устахонада 200 килограмдан ортиқ портловчи моддалар ва камикадзе-дронларни яратиш учун кўплаб ускуналар топилган. 15 июнь куни Эрон полицияси Рей шаҳрида Исроил разведкаси “Моссад”нинг икки нафар агентини қўлга олган.
13 июнга ўтар кечаси Исроил “Исёнкор шер” операциясини бошлади. Унинг доирасида Исроил қўшинлари Эрон ҳудудидаги ядровий ва ҳарбий объектларга ҳужум қилди. Ўша куни кечқурун Ислом инқилоби қўриқчилари корпуси жавоб операцияси бошланганини эълон қилди. У “Ҳақиқий ваъда 3” номини олди. Жанговар вазифаларни бажариш чоғида Исроилга ракета зарбалари берилди. Икки давлат бир-бирига ҳужум қилишда давом этмоқда.
Изоҳ (0)