“Муҳташам юз йил”ни бир неча марта кўриб, “Қўрғон сирлари”дан дам олишни хоҳласангиз, кўпчиликка маълум бўлган, аммо сюжет жиҳатдан юқоридаги сериаллардан қолишмайдиган қизиқарли турк сериаллари билан танишинг.
“Шам ушлаган ёлғончилар”
Бош ролларда: Элчин Сангу, Буржу Гелгедар, Шафак Пекдемир, Cерен Морай
Сериал опа-сингиллардек яқин бўлган тўрт дугона ҳақида. Эркин ва мустақил Жейда, муваффақиятли психиатр Мелиҳа, оилавий муаммолари бўлган шифокор Шебнем ва ниҳоят, бахтсиз ҳодисада эрини йўқотган кафе эгаси Элиф. Аёллар Элифга ҳаётда ўз ўрнини топишга ва қизи Тернга муносиб ҳаёт кечиришга ҳаракат қилиб, қайғусини енгишга ёрдам беради. Терннинг мактабдаги дугонасининг отаси Якуп билан учрашув Элифнинг ҳаётини тубдан ўзгартириб юборади.
“Никоҳ ҳақида ҳамма нарса”
Ролларда: Гокче Баҳадир, Сумру Явручук, Сарп Аккая, Игит Киражи, Серкан Алтунорак, Селен Учер
Тўрт опа-сингил Чўлпан, Азра, Гунеш ва Санем Истанбулга кўчиб ўтади ва ажойиб юридик карьера қуришади. Уларнинг барчаси ажралиш жараёнлари билан шуғулланади. Қизларнинг ҳар бирининг шахсий ҳаёти турлича ривожланади. Чўлпон эридан ажрашган, Санем никоҳга умуман ишонмайди, Азра бахтли турмуш қурган, Гунеш эса севган инсонига турмушга чиқиш ҳаракатида. Бир куни опа-сингилларнинг ҳаётида кутилмаган воқеа содир бўлади: уларнинг отаси кўп йиллар олдин бошқа аёлни деб қизларнинг онасини ташлаб кетганди. Қаҳрамонлар ўз ўтмишларига дуч келишлари керак: улар оталарини кечира оладими?
“Янги ҳаёт”
Бош ролларда: Серкан Чайўғлу, Мелиса Асли Памук, Азиз Жанер Инан, Бегум Аккая
Махсус кучларда хизмат қилган капитан Адем нафақага чиқади. У хавфли ҳаёт тарзида яшашга одатланган, аммо энди тинч ҳаётда ўз ўрнини топиши керак. Энг муҳими, оиласини, хотинини ва 8 ёшли қизини боқиш учун иш топиши керак. Адем бой ва нуфузли Темурнинг хотинига тансоқчи бўлиб ишга киради. Аввалига у ёш ва гўзал Ясемин билан келишолмайди. Қиз ҳатто Адемни ишдан бўшатмоқчи бўлади. Аммо қаттиққўл эркак ва жозибали аёл ўртасида нимадир содир бўлади.
“Шиша ортидаги қиз”
Ролларда: Буржу Бирижик, Селма Эргеч, Фейяз Шерифоғлу, Энис Арикан, Туғрул Тулек
Седат Кўрўғли – Туркиядаги энг йирик меҳмонхоналар тармоғига эгалик қилувчи бадавлат оиланинг эрка меросхўри. Унинг турмуш қурган аёл билан ишқий муносабати отаси Рафетни ғазаблантиради ва ўғлини зудлик билан уйлантиришга қарор қилади. Келин тасодифан топилади: у янги меҳмонхоналардан бирининг лойиҳаси устида ишлаётган архитектор Налан бўлади. Бекам-у кўстликда ўсган беғам йигит ва ҳалол ҳамда тартибли қиз тўйга ҳозирлик кўрмоқда. Аммо уларнинг бахтига ўтмиш сирлари тўсқинлик қилади.
“Шунчаки дўстлар”
Бош ролларда: Хазар Эргучлу, Кубилай ака, Эзги Гор, Онур Берк Арсланоглу
Карьера қуришга муккасидан кетган Эже ва келишган йигит Умут кўп йиллардан буён бир-бирини танийди. Ўзларини ва танишларини ўрталарида ҳеч қандай романтика йўқ, фақат дўстлик борлигига ишонтиради. Улар Умутнинг консерватив холасига тегишли, Босфорга қараган ҳашаматли уйда бирга яшаш учун ўзларини келин-куёв қилиб кўрсатишади. Бироқ бадавлат қариндоши тез орада нима бўлаётганини тушунади ва шарт қўяди: у уйини ким биринчи қонуний никоҳдан ўца, ўшанга қолдиради. Эже ва Умут чинакам муҳаббатни топиш учун узоққа бориш шарт эмаслигини тан олмай, ўзларига турмуш ўртоқ излай бошлайдилар.
“Қоғоз уй”
Бош ролларда: Эрдал Бешикчиўғлу, Нур Феттаҳўғлу, Тувана Туркай, Ниҳал Г. Колдаш
Сериалдаги воқеалар Фиртинлар оиласи атрофида содир бўлади. Жиҳан жиноят ҳуқуқи ўқитувчиси, Айлин муваффақиятли адвокат, уларнинг учта ажойиб фарзанди бор: ўғли Мерт ва қизлари Жемре ва Мелиса. Қаҳрамонларнинг ҳаёти даҳшатли оқшомларнинг бирида, Жиҳан ва Эйлин ўз уйида аёл жасадини топгач, бутунлай ўзгаради. Жабрланувчи Жиҳаннинг севгилиси, қотил эса 16 ёшли Жемре бўлиб чиқади. Қизи қамалмаслиги учун эр-хотин жасадни боғга яширишга ва содир бўлган воқеа ҳақида сукут сақлашга қарор қилишади. Аммо содир бўлган нарса кўплаб сирларни очиб беради ва идеал оиланинг қиёфаси қоғоз уй каби мўрт бўлиб чиқади.
“Уч қуруш”
Бош ролларда: Ураз Кайигаларўғлу, Экин Коч, Аслиҳан Малбора, Мустафо Кирантепе, Живан Жанова
Истанбулнинг Лўлилар туманида шафқатсиз қотиллик содир бўлади. Қотил жиноят жойига уч қуруш — учта майда танга қолдирган. Бундай белги бошқа жасадларда ҳам топилган. Терговни Эфе исмли полиция комиссари олиб боради. Биринчи гумонланувчи унинг собиқ болаликдаги дўсти, ҳозир бу ҳудудда таниқли бўлган мафиоз. Бироқ тез орада далиллар болаликдан уларга маълум бўлган бошқа одамга олиб боради. Кейин профессионал детектив ва жиноят бошлиғи ушбу мураккаб ишга чек қўйиш ва серияли қотилни топиш учун кучларини бирлаштиради.
Изоҳ (0)