Мадриднинг “Реал” клуби бош мураббийи Хаби Алонсо ёзги трансфер ойнаси вақтида марказий ярим ҳимоя чизиғини кучайтиришни режалаштирмоқда. Defensa Central нашрининг хабар беришича, испаниялик мутахассис “Ливерпуль” футболчиси Алексис Макаллистерга жиддий қизиқиш билдирмоқда.
Манбага кўра, Алонсога аргентиналик футболчининг техникаси ва тактик мослашувчанлиги жуда ёқади. У Макаллистерни Кроос ва Модрич клубни тарк этганидан кейин ярим ҳимоядаги асосий фигуралардан бирига айлантириш ниятида. Шунингдек, Алексиснинг бир нечта позицияда ўйнай олиши “Реал”нинг эътиборини тортган. Айниқса, у Арда Гюлер ва Франско Мастантуоно каби ёш футболчилар билан яхши тандем ҳосил қилиши мумкин.
Аввалроқ мадридликлар “Манчестер Сити” ярим ҳимоячиси Родри, “Челси” аъзоси Энсо Фернандеш ва “Арсенал”нинг испаниялик футболчиси Мартин Зубимендига қизиқаётгани ҳақида хабарлар чиққан эди. Шунга қарамай, Алонсо айнан Макаллистерни жамоага олиб келишни мақсад қилган.
- 24 ёшли Макаллистернинг “Ливерпуль” билан тузган шартномаси 2028 йил ёзигача амал қилади.
- Transfermarkt портали унинг трансфер нархини 100 миллион евро деб баҳолаган.
Изоҳ (0)