Сўнгги қисми тушунарсиз ва зерикарли якунланган машҳур сериаллар

Баъзида охирги эпизод тушунарсиз чиқса, баъзан эса бутун мавсум финали муваффақиятсизликка учрайди.

“Доктор Ҳаус”

• АҚШ, 2004-2012 йиллар.
• Драма.
• Давомийлиги: 8 фасл.
• Охирги сериянинг IMDb рейтинги: 9,3.

Саккиз мавсум давомида томошабинлар ҳаддан ташқари мураккаб, аммо даҳо доктор Ҳауснинг ишлари ва ҳаётини кузатиб борди. Охирги мавсумга келиб, унинг ёрдамчилари деярли бутунлай янгиланди, бу эса сюжет сифатига сезиларли даражада таъсир кўрсатди. Аммо финалга қизиқиш кучли эди, чунки у “Ҳамма ўлади” деб номланганди.

Ҳаус ўзининг сўнгги ишини ҳал қилиб, ўзи билан баҳслашади ва сўнгги дақиқаларда, гўёки ҳалок бўлади. Аммо унинг дафн маросимида Уилсон дўсти ўлимини сохталаштирганини билиб қолади. Якунда икковлон мотоциклда узоққа жўнаб кетишади.

Бундай якунни ёмон деб бўлмаса ҳам, муаллифларнинг ҳаммага маъқул келишга уринаётганини аниқ сезиш мумкин. Ҳауснинг кейинги тақдири қандай бўлиши эса тушунарсиз.

“Клиника”

• АҚШ, 2001-2010 йиллар.
• Комедия, драма.
• Давомийлиги: 9 фасл.
• Охирги сериянинг IMDb рейтинги: 6,1.

“Клиника” сериали мукаммал якунланган: Жей Ди ишини тугатади, ўғли билан яқинроқ муносабат ўрнатишга ва Эллиот билан алоқаларини ўзгартиришга қарор қилади. У дўстлари ва ҳамкасблари билан таъсирчан хайрлашади. Аммо бу... саккизинчи мавсумнинг якуни эди.

Аслида “Клиника” сериали айнан шу тарзда тугаши керак эди. Бироқ АBC телеканали сериални давом эттиришга мажбур қилади, шунинг учун янги қаҳрамонлар киритилиб, эски персонажлар иккинчи даражали қилиб қўйилади. Янги образлар томошабинларга ёқмаган, шунингдек, иккинчи якун қизиқ бўлмаган.

“Онангизни қандай учратганман”

• 2005-2014 йиллар.
• Комедия, мелодрама.
• Давомийлиги: 9 фасл.
• Охирги сериянинг IMDb рейтинги: 5,5.

Бу сериалнинг ҳикояси қисман “Клиника” сериалидаги ҳолатни эслатади. Муаллифлар саккизинчи мавсумда, Тедд ҳақиқатан ҳам келажакдаги фарзандларининг онаси билан учрашган пайтда, сериални якунлашлари керак эди. Чунки аслида ҳикоя унинг эмас, балки бош қаҳрамоннинг дўстлари билан бўлган муносабатлари ҳақида эди.

Аммо рейтинглар рекорд даражага етгани сабабли сериал давом эттирилди. Асосан, тўққизинчи мавсум Робиннинг Барни билан тўйига тайёргарлик ҳақида ҳикоя қилади. Сўнгги қисмлар эса дўстларнинг кейинги ҳаётларини тезкорлик билан ёритиб беради.

“Евани ўлдириш”

• АҚШ, Буюк Британия, 2018-2022 йиллар.
• Драма, триллер.
• Давомийлиги: 4 фасл.
• Охирги сериянинг IMDb рейтинги: 3,4.

“Тахтлар ўйини”

• АҚШ, Буюк Британия, 2011-2019 йй.
• Фантастика, драма, саргузашт.
• Давомийлиги: 8 фасл.
• Охирги сериянинг IMDb рейтинги: 4,0.

Аслида “Тахтлар ўйини” муаллифларининг муаммолари анча олдин Жорж Мартиннинг китоблари тугагач бошланган эди. Ўша пайтда мавжуд маълумотлар асосида янги сюжет яратиш осон эмаслиги маълум бўлди. Аммо бир муддат воқеалар аввалги изидан давом этди ва ҳаммага ёқди.

Аммо охирига келиб ҳаммасини изоҳлаш керак бўлди. Саккиз мавсум давомида ҳамма қўрққан муз аскарларни биргина пичоқ зарби билан мағлуб этишди. Кўплаб қаҳрамонлар ўзини ўлдиришга олиб келадиган ҳаракатлар қилди, мейстер Квиберн эса оддийгина йиқилиб ҳалок бўлди. Азор Аҳай ҳақидаги афсона изоҳланмасдан қолди. Мисолларни яна давом эттириш мумкин, қисқаси, сериални шошилинчда якунлашади: ёмонлар ҳалок бўлади, яхшилар омон қолади, Бран эса подшоҳ бўлади.

“Декстер”

• 2006-2013 йиллар.
• Драма, триллер.
• Давомийлиги: 8 фасл.
• Охирги сериянинг IMDb рейтинги: 4,8.

Эҳтимол, “Декстер”нинг якуни ушбу рўйхатдаги бошқа мисоллар билан солиштирганда унчалик ёмон эмасдир. Лекин у биринчи ўринни эгаллайди: сериал финални икки марта бузиб қўйди.

Биринчи марта бу сериалнинг саккизинчи мавсумида содир бўлди, ўшанда муаллифлар барча сюжет чизиқларини шошилинчда тугатишга қарор қилишди. Дебра ҳеч қандай тушунтиришсиз вафот этди, шаҳарда тўсатдан довул юз берди, натижада қаҳрамон яширинди. Ижодкорлар ҳатто Декстерни ўлдиришга журъат этишмади, бу эса энг мантиқий ечим бўларди: у яхши бўлишни хоҳлади, лекин кўп одамларнинг ўлимига сабаб бўлди. Сериал охирида шунчаки ихтиёрий сургунга кетгани кўрсатилди. Социопат учун бу унчалик қаттиқ жазо эмасдек кўринади.

Аммо бу ҳам етарли эмасди. 2021 йилда сериал “Янги қон” номли қўшимча мавсум билан қайтди, унда Декстер ўғли билан учрашади ва улар биргаликда ишларини давом эттиришади. Сюжет ёмон эмасди, аммо финалда яна ҳаммасини бир серияда ўзгартиришга қарор қилишади. Қаҳрамон кутилмаганда мантиқсиз хатолар қилади, қотиллик содир этади ва ўғли томонидан отиб ўлдирилади. Натижада эса 2013 йилги 4,8 рейтингли якун ёнига 2021 йилги 4,7 рейтингли якун қўшилди.