Миллионлаб доллар миқдорда гонорар олиш, кино премьераларига энг гўзал либосларда ташриф буюриш, қимматбаҳо уйларда яшаш — буларнинг барига ҳар ким ҳавас кўзи билан боқади. Аммо ҳашаматли ҳаёт доим ҳам бахт олиб келмайди. Қуйида ўтмишда жиддий руҳий жароҳатлар олган, бахтини йўқотган ва биз билмаган турли мусибатларни бошидан кечирган машҳурлар ҳаёти билан танишамиз
Киану Ривз
Киану Ривз Женнифер Сайм билан 1998 йилдан учрашишни бошлайди, бир йилдан сўнг Сайм ҳомиладор бўлади, аммо Ава Арчер Сайм-Ривз исмли чақалоқ ўлик туғилади. Киану ва Женнифер бундай фожиани кўтара олмайди ва ажрашади. Орадан икки йил ўтиб аёл гиёҳванд моддалар таъсирида автоҳалокатда вафот этади.Воқеалардан беш йил ўтгач, Киану Ривз Параде нашрига интервью берган:
“Мен марҳум рафиқам ва фарзандимни соғиндим, чунки улар ҳаётимнинг бир қисми эди. Агар улар тирик бўлганида эди, ҳаётимиз қандай бўлар экан деб кўп ўйлайман... Мен энди ҳеч қачон қайтиб келмайдиган яқинларимни тез-тез эслаб тураман”.
Шарлиз Терон
Шарлиздек латофатли ва муваффақиятли аёлга қараб, у бир вақтлар бошидан кечирган воқеаларга ишониш қийин. Актриса Жанубий Африкада ўсган. Унинг отаси ичкиликка ружу қўйган золим эркак бўлган. Кунларнинг бирида ота уйга яна маст ҳолатда келади ва аёлига ўлдириш билан таҳдид қилади. Шарлизнинг онаси ўзини ҳимоя қилиш учун эрини отиб қўяди, ёш қизалоқ эса буларнинг гувоҳига айланади.
Суд Шарлизнинг онасига қўйилган қотиллик айбини олиб ташлаган. Актриса бу ҳақда ABC News нашрига шундай деган:
“Мен ўша воқеани аниқ эслайман ва онамни тушунаман, уларнинг ўрнида мен ҳам шундай иш тутган бўлар эдим”, — дейди актриса.
Жим Керри
2000 йилларнинг бошларида Жим Керрининг карьераси ортга кета бошлади. Эҳтимол, бунга актёрнинг драма йўналишида ишлагани сабаб бўлгандир. Ўша вақтларда Керри “Беғубор онгнинг абадий порлаши”, “Ойдаги одам” каби фильмларда суратга тушган.
Интервьюлардан бирида актёр “Оскар”ни олишни орзу қилиши ҳақида айтган, аммо унинг на драматик, на комедияли роллари эътироф қилинмаган.
Фото: Theday.ru
Жим Керри ҳаётидаги энг катта зарба 2015 йилда содир бўлган: актёр Катриона Уайт билан ажрашгач, унинг собиқ севгилиси катта дозада кучли дори ичиб, ўз жонига қасд қилган. Содир бўлган воқеалар туфайли Жим Керри чуқур тушкунликка тушиб қолган:
“Мен уни руҳан кучли аёл деб билар эдим ва бизнинг ажралишимиз Катрионага қаттиқ таъсир қилишини хаёлимга ҳам келтирмаган эдим”, — деди актёр.
Роуз Макгоуэн
“Сеҳрланганлар” телесериалидаги Пейж образини гавдалантирган актриса Роуз Макгоуэннинг болалиги осон ўтмаган. У Италияда “Худонинг болалари” деб номланган ноқонуний гуруҳда ўсган. Аҳолига ташқи дунё билан алоқа ўрнатишга рухсат берилмаган секта раҳбарлари вояга етмаганларга жинсий тажовуз қилишини билиб қолган Роузнинг ота-онаси сектани тарк этади ва Италиядан АҚШга кўчиб ўтади. Бу вақтда Роуз 10 ёшда бўлади.
Фото: Кинориум
Орадан бир неча йил ўтгач, уни гиёҳванд моддалари истеъмолида ноҳақ айблашади. Махсус клиникадан бувисиникига қочиб кетган бўлажак актриса у ерда ҳам халоват топмайди ва яхши кўрган йигити билан кетиб қолади.
Роузнинг йигити бахтсиз ҳодисадан вафот этгач, 2007 йилда актрисанинг ўзи автоҳалокатга учрайди ва юзининг бир қисми шикастланади. Операция қилдирганига қарамай, Макгоуэн чеҳраси ҳозирда аввалгидек эмас.
Лиам Нисон
Лиам Нисон гўзал актрисага уйланган, уларнинг оиласида икки ўғил дунёга келган эди, аммо Нисоннинг бахти узоқ давом этмади.
2009 йилда Наташа Ричардсон чанғи учаётганда боши билан йиқилиб тушади. Воқеа жойида Наташа ёмон лат емагани ва ҳаммаси яхши эканини таъкидлайди. Аммо зарба натижасида унинг миясида гематома пайдо бўлади ва охир-оқибат актриса бевақт вафот этади.
Фото: Theday.ru
Вуди Харрельсон
Вуди Харрельсон ўз отаси аслида жиноятчи ва қотил эканини билганида жуда ёш эди. Унинг ота-онаси бўлажак актёр уч ёшлигида ажрашади ва Чарльз биринчи марта 7 йил муддатга қамалади. Сўнг яна бир бор қотилликда айбланиб, унга умрбод қамоқ жазоси тайинланади.
Вуди отасини кечириши қийин бўлган, у 1968 йилдан 1981 йилгача падари билан гаплашмаган. Аммо вақт ўтиб қамоқхонага Чарльзни кўргани бора бошлаган ва ҳатто уни муддатидан олдин озод қилиш учун апелляция аризасини берган.
Жек Николсон
Доимий баҳорий кайфиятда юрадиган ушбу актёр ҳеч қачон қийинчиликларга дуч келмаган инсонга ўхшайди. Аммо Жек Жиколсон ҳаётида кутилмаган ишлар кўп бўлган. Жумладан, 1974 йилда у кутилмаганда синглиси Джун аслида унинг онаси эканлигини билиб қолган. Актёр бу вақт 37 ёшда эди. Раққоса ва актриса ёлғиз она сифатида Голливудда муваффақиятли қозониш имконияти камроқ деб ҳисоблайди ва ўғлини бобоси ва бувиси қўлига топшириб, ўзини Жекнинг опасидек тутади. U1963 йилда саратон касаллигидан вафот этди, аммо машҳур актриса бўлиш орзуси ушалмай қолиб кетди.
Изоҳ (0)