Жаҳон метеорология ташкилоти ва Буюк Британия метеорология идораси 2025–2029 йиллар даврига мўлжалланган ҳарорат башоратлари бўйича қўшма ҳисоботни эълон қилди. Бу ҳақда Anadolu хабар берди.
Ҳисоботда таъкидланишича, ҳароратлар кейинги беш йил давомида рекорд даражада ёки шунга яқин даражада бўлади, бу эса иқлим хавф-хатарларини, шунингдек, жамиятлар, иқтисодиётлар ва барқарор ривожланишга таъсирини оширади.
Ҳар бир йил учун Ер юзасининг ўртача йиллик ҳарорати саноатдан олдинги давр (1850–1900 йиллар ўртача)га нисбатан 1,2–1,9 °C юқори бўлиши кутилмоқда.
2025–2029 йиллар орасида камида бир йил ҳароратнинг саноатдан олдинги даврга нисбатан 1,5 °C дан ошиши эҳтимоли 86 фоиз, ва шу беш йил давомида ўртача ҳарорат ҳам 1,5 °C дан ошиши эҳтимоли 70 фоизни ташкил этади.
Ҳар бир қўшимча иссиқлик тўлқини янада вайронкор бўлиб, кучли ёмғир ёғиши, узоқ давом этувчи қурғоқчилик, музликларнинг ва денгиз музининг эриши, океанларнинг қизиши ва денгиз сатҳининг кўтарилишига олиб келади.
Муаллифларнинг таъкидлашича, Париж битими глобал исишни 1,5 °C даражасида чеклашни мақсад қилган, аммо ҳозирги тенденция давом этса, бу чегаранинг ошиши янада тез-тез содир бўлиши мумкин.
“Биз айни пайтда тарихдаги энг иссиқ 10 йилни бошдан кечирдик. Афсуски, ҳозирги ЖМТ ҳисоботида яқин йилларда яхшиланиш белгиси йўқ. Бу эса иқтисодиётимиз, кундалик ҳаётимиз, экотизимларимиз ва бутун сайёрамиз учун тобора жиддий оқибатларни келтириб чиқаради. Иқлим мониторинги ва башоратлари давом эттирилиши муҳимдир, чунки улар илмий асосланган воситаларни тақдим этади ва ҳароратларнинг ўзгаришига мослашишга ёрдам беради”, деди ЖМТнинг ўринбосар котиби Ко Баррет.
Изоҳ (0)