АҚШ океан ва атмосфера тадқиқотлари миллий бошқармаси ходимаси Сью Мур сўнгги 30 йил давомида Чукотка денгизи ва унинг атрофидаги китлар устидан олиб борилган кузатув натижасида қўлга киритилган маълумотларни тўплади ва кўриб чиқди. Biology Letter журналида чоп қилинган мақолада Мур ёзишича, 1980 йилларда бу ерда планктонлар билан озиқланувчи букри кит, финвал ва йўл-йўл китлар мутлақо кўзга ташланмаган бўлса, бугунги кунда уларни учратиш оддий ҳолат. Маҳаллий Гренландия китлари сони ҳам ўсганлиги тахмин этилмоқда, деб ёзади Naked Science.
Ушбу ўзгаришлар Арктика муз қатламининг тезлик билан камайиши жараёнига боғлиқ, у 30 йил ичида миллионлаб квадрат километрга кичрайди, бу у ҳар ўн йилликда ўзининг ўн фоиз қисмини йўқотган, демакдир.
Муздан холи бўлган кенг сув майдонида фитопланктон ривожланиши учун имконият юзага келган, у қуёш нурларини ўзига сингдириб, фотосинтезланган.
Олимлар, шунингдек, сўнгги ўн йилликда Арктика китлари саломатлиги яхшиланганини қайд этди — эҳтимол, бу ҳам планктонлар тез кўпайиб, озуқа мўл бўлаётгани билан боғлиқ бўлиши мумкин.
Изоҳ (0)