Америкалик геолог ва климатолог Уоллес Брокер 87 ёшида вафот этди, дея хабар беради «Associated Press».
Брокер 18 февраль куни Нью-Йоркдаги касалхоналардан бирида бир неча ой хасталикдан сўнг вафот этган.
Уоллес Смит Брокер 1931 йилда Чикаго шаҳрида туғилган. 1977 йилда Колумбия Университетининг профессори бўлган, у ерда у бутун ҳаёти давомида Геология ва атроф-муҳит кафедрасида ўқитувчи бўлиб ишлаган.
Олим 500 дан ортиқ мақола ва 14 та китоб, жумладан, бир нечта дарсликлар муаллифи. Унинг асосий илмий қизиқиши дунёдаги океанларнинг Ер иқлимини шакллантиришдаги ўрни эди.
Геолог «Глобал исиш» атамаси муаллифи дея эътироф этилади, у илк бор атамани «Иқлим ўзгариши: биз глобал иқлимнинг кескин ўзгариши ёқасида турибмизми?» (Climatic Change: Are We on the Brink of a Pronounced Global Warming?) мақоласида 1975 йилда қўллаган.
Унда, у одамларнинг иқлимга таъсири оқибатида келиб чиқадиган углерод диоксид даражасининг ошиши натижасида глобал ҳароратнинг кўтарилишини олдиндан айтиб берган. Мақоладан сўнг атама илмий тилда мустаҳкам ўрнашган.
Изоҳ (0)