Охирги 40 йил ичида глобал исиш туфайли астрономик кузатувларни олиб бориш учун зарур бўлган ойдин кечалар миқдори кескин камайиб кетди. Бу ҳақда Россия Фанлар Академияси Махсус астрофизика обсерваторияси директори Юрий Балега баёнот берди, деб хабар қилади «ТАСС».
«Катта азимутал телескопдаги тенденцияга кўра, охирги 30–40 йил ичида астрономик иқлим сезиларли даражада ёмонлашди. Агар телескоп энди ишлай бошлаган 1970-йилларда қишда кузатиш давримиз 10–12 ойдин кечани ташкил этган бўлса, ҳозир икки тундан сўнг об-ҳаво ўзгаради. Афтидан, глобал ўзгаришлар астрономларнинг ҳам медасига тегади», — деди у Фанлар Академиясининг Космик тадқиқотлар институтида бўлиб ўтган конференциядаги чиқишида.
РФА махсус астрофизик обсерваторияси Шимолий Кавказда, Қорачой-Черкас республикасида жойлашган. Унда жойлашган КАТ (Катта азимутал телескоп) Евросиёдаги энг йирик телескоп ҳисобланади. Унинг бош монолит ойнаси диаметри 6 метрни ташкил этади.
Изоҳ (0)