Дональд Трамп кеча, 10 май куни Женевада бўлиб ўтган АҚШ ва Хитой ўртасидаги ўзаро савдо божлари бўйича музокараларни изоҳлар экан, учрашувда кўплаб келишувларга эришилганини таъкидлаб ўтди.
“Швейцарияда Хитой билан жуда яхши учрашув бўлди. Кўп масалалар муҳокама қилинди, кўплаб келишувларга эришилди. Дўстона, аммо конструктив тарзда тўлиқ тикланиш бўлди. Биз Хитойни Қўшма Штатлар бизнеси учун очиқ кўришни истаймиз, бу ҳар икки давлат Хитой ва АҚШ учун фойдали. Катта ютуқларга эришилди!”, деб ёзди Трамп Truth Social ижтимоий тармоқда.
10 май, шанба куни Женевада бўлиб ўтган музокараларда АҚШ молия вазири Скотт Бессент ва савдо вакили Жеймисон Грэйэр, Хитой томонидан эса бош вазир ўринбосари Хе Lifeнг иштирок этган.
Хитой томони учрашувда эришилган натижалар ҳақида ҳозирча изоҳ бермади. Учрашув арафасида АҚШ оммавий ахборот воситалари Трамп музокара куни Хитойга қарши тарифларни 50 фоизгача тушириши мумкинлигини ёзган эди, бироқ бу содир бўлмади. CNN манбаси музокаралар якшанба куни давом этишини билдирган.
Изоҳ (0)