“Агар АҚШ Россияга ҳужум қилса, ёрдамчи қўшин юборамиз” — Ким Чен Ин

Шимолий Корея етакчиси Ким Чен Ин АҚШ ёки унинг иттифоқчиларининг Россияга эҳтимолий ҳужумини қайтариш учун қўшин юборишга тайёрлигини айтди.

“Бу бизнинг биродар ва қуролдош сифатидаги муқаддас бурчимиз, деб ҳисоблайман”, деди давлат раҳбари 9 май куни Россиянинг КХДРдаги элчихонасига ташрифи чоғида.

Ким Чен Иннинг айтишича, АҚШ назоратсиз қолса, “кўпроқ қалтис ҳаракатлар содир этишга журъат қилиши” мумкин. Бу ҳолатда, КХДР раҳбари Вашингтоннинг “ҳамтовоғи”, деб атаган Жанубий Корея армияси АҚШдан ўрнак олиши мумкин.

“Бундай ақлдан озган жасорат ўта юқумли вирус каби тарқалиши мумкин”, дея қўшимча қилди Ким Чен Ин.

У Шимолий Корея ҳарбий хизматчиларининг Украинага қарчи урушда иштирок этишини КХДР суверен ҳуқуқларига жавоб берадиган адолатли қарор деб атади.

Кеча, 9 май куни Россиянинг КХДРдаги элчиси Александр Матсэгора Курск вилоятида “минтақа ҳудудларини Украина қуролли кучларидан озод қилишда қатнашган” Шимолий Корея ҳарбий хизматчиларига ёдгорликлар ўрнатилишини маълум қилди. Бундан ташқари, Курск вилоятидаги қайта тикланган кўча ва майдонлар урушда қатнашган ҳарбийлар номи билан аталади.