Нима учун Жанубий Кореянинг энг машҳур юлдузлари 40 дан ошса-да, ҳали ҳам бўйдоқ?

Кореянинг энг машҳур, бой, истеъдодли, келишган актёрлари 40 ёшдан ошганига, баъзилари эса 50 ёшга яқинлашиб қолганига қарамай, ҳамон сирли тарзда ёлғиз эканликларининг сабаби нимада?

Кон Ю, 45 ёш

У нафақат Жанубий Кореянинг энг машҳур актёрларидан бири, балки мамлакатнинг энг ҳавас қилинадиган бўйдоқ йигити ҳам. Унинг нима учун ҳамон бўйдоқлигини ҳеч ким тушуна олмаяпти.

Менинг идеалим ўзгариб қолди. Ёшлигимда ҳис-туйғуларини ёрқин ифодалайдиган аёлларни ёқтирардим, энди эса ўзимни қулай ҳис қиладиган аёлларни афзал кўраман.

Актёр таъкидлашича, у турмуш қуриш учун қулай пайтни қўлдан бой берган бўлиши мумкин. У ҳозирда карьера ва шахсий ривожланиш ҳаракатида. Никоҳ эса жиддий қадам ва ҳозир бу ҳақда ўйлашга вақт йўқ.

Ли Санг Юн, 42 ёшда

Ли Санг Юн гарчи никоҳга қарши бўлмаса-да, уйланишга шошилмаяпти. Актёр жуда банд бўлгани сабабли севишишга вақти йўқ, лекин шундай бўлса ҳам, у муносабатларга очиқ.

Актёр яхши ҳазил туйғусига эга, ақлли ва ғамхўр аёлни топгунча кутмоқда.

Ким Ре Вон, 43 ёшда

Ким Ре Вон кўпинча романтик ролларда ўйнаса-да, муносабатларга жиддий қарайдиган ва турмуш қуришга шошилмайдиган одам таассуротини қолдиради.

Интервьюларидан бирида у ҳаётини баҳам кўра оладиган аёл билан учрашишни исташини айтган, аммо никоҳ унинг учун жиддий қадам эканини ва бу қарорга онгли равишда келиш кераклигини, шошилмаслик лозимлигини таъкидлаган.

Сон Сан Хон, 47 ёш

Сон Сан Хон очиқчасига уйланиш ва оила қуриш истагини билдирмоқда. Бироқ у учун ҳислар самимий бўлиши жуда муҳим. Агар никоҳ қиладиган бўлса, бу фақат севги туфайлигина бўлади.

Актёр сокин ва осуда ҳаёт кечиришга интилади, ҳамда келажакдаги рафиқаси ҳам шу интилишни баҳам кўришини хоҳлайди.

Ли Дон Ук, 42 ёш

Актёрнинг иш жадвали шунчалик тиғизки, у қизлар у ёқда турсин, ҳатто дўстлари билан ҳам учрашишга вақт тополмайди.

Шундай бўлса-да, Дон Ук уйланишни хоҳлайди, чунки у уйланган дўстларига ҳавас қилавериб чарчаган. Бироқ у никоҳ ҳисоб-китобга эмас, балки ҳиссиётларга асосланиши кераклигини муҳим деб билади.

Унинг яна бир муҳим шарти бор: у уй ишларини ўзи бажаришни ёқтиради, шунинг учун рафиқасини хўжалик ишларига асло аралаштиргиси келмайди. Унингча, рўзғор юритиш — эркак кишининг вазифаси.

Ли Жун Ки, 42 ёшда

Ли Жун Ки аввал карьерасида катта ютуқларга эришмоқчи бўлгани учун ҳозирча уйланишни хоҳламаяпти. Жун Ки аллақачон кўплаб чўққиларни забт этиб, ўзини корейс кинематографияси тарихига абадий муҳрлаган. Шундай бўлса-да, актёр ҳамон ёлғиз ҳаёт кечиряпти.

Унинг сўнгги тасдиқланган муносабатлари 2017 йилда бўлиб, атиги бир неча ой давом этган. Расмий сабаб айтилмаган, бироқ актёр ҳазиллашиб, ҳаммаси синглиси туфайли деб изоҳ беради.

Чон У Сон, 51 ёшда

2014 йилда актёр 20 йил давомида уйланишга ҳаракат қилганини, аммо иш туфайли бунинг учун қулай пайтни қўлдан бой берганини айтган эди.

2024 йил ноябрь ойида Чон У Соннинг модел Мун Га Би билан никоҳсиз ўғли борлиги маълум бўлди. Актёр бу хабар одамларга ноқулайлик туғдиргани учун жамоатчилик олдида узр сўраб, ота сифатида масъулият ва бурчларни ўз зиммасига олишини маълум қилди. Аммо қизга уйланишни режалаштирмаяпти.

Ким Нам Гил, 43 ёш

Ким Нам Гил учун никоҳ ҳаётнинг табиий оқими ҳисобланади. Шунинг учун никоҳ бўлса бўлади, бўлмаса ҳали вақти келмаган.

 Асосийси, инсон яхши бўлиши керак, аммо яхши инсонни топиш учун аввало ўзинг яхши инсон бўлишинг муҳим. Ташқи кўриниш эса актёр учун умуман муҳим эмас.