Netflix ниҳоят платформанинг бутун тарихи давомидаги энг машҳур шоу — “Калмар ўйини”нинг узоқ кутилган иккинчи мавсумини тақдим этди. Қизиқарли сюжет, рамзий кийимлар ва ёрқин декорация, шунингдек янги ва севимли қаҳрамонлардан иборат актёрлар таркиби туфайли сериал дарҳол АҚШда Netflixънинг кундалик “Топ-10 сериаллар” рейтингида биринчи ўринни эгаллади.
Иккинчи мавсумда Ли Чон Же яна Сон Ки Хун ролини ижро этади. У аввалги “Калмар ўйини”нинг ягона ғолиби бўлиб, уни тўхтатиш учун яна бир бор хавфли ўйинда қатнашишга қарор қилади.
2-қисм: Ҳеллоун зиёфати
Айнан шу эпизодда шимолий кореялик брокер Шимолий Корея шеваси билан гапиради, бироқ ватанида аскар бўлган ва Шимолий Кореядан қочган Но Ил (Пак Гю Ёнг) бундай қилмайди. (Биринчи мавсумда Се Бёк ҳам акаси билан суҳбатлашишдан ташқари пайтларда Шимолий Корея шевасини ишлатмаган. Жанубий Кореяда яшовчи Шимолий Кореядан қочган кўпчилик одамлар камситилишдан қочиш учун онгли равишда шевасини яширишга ҳаракат қилади).
3-қисм: 001
044 рақамли ўйинчи (Че Гук Хи) — шаман аёл Ки Хун учун маросим ўтказишни таклиф қилади. Шаманизм Кореяда қадимдан мавжуд бўлган анъана бўлиб, бугунги кунда озчилик унга амал қилса-да, кўплаб корейслар шаманларни башоратчи сифатида қабул қилишади. Уларга соғлиғидаги муаммолари ёки шахсий ва касбий масалалар бўйича мурожаат қилишлари мумкин. Шаман аёллар руҳлар билан мулоқот қилиш учун маросим ўтказиб, улардан ёрдам сўрашади.
Мён Ги каби персонажнинг сериалда иштирок этиши мантиқан тўғри, чунки криптовалюта ҳийлалари Жанубий Кореяда катта муаммо бўлиб, уларнинг баъзилари ушбу схемаларни тарғиб қилишга ёрдам берган машҳур ёутуберлар билан боғлиқ. Биргина ўтган ойда Жанубий Корея полицияси мамлакат тарихидаги энг йирик криптовалюта фирибгарлигига алоқадор 215 кишини ҳибсга олган.
Танос (сиёҳранг сочли собиқ реппер)ни бежизга Т.О.П. ўйнамаган, чунки унинг қаҳрамони билан умумий жиҳатлари бор. Т.О.П (ҳақиқий исми Чхве Син Хён) — афсонавий К-поп гуруҳи БИГБАНГнинг собиқ аъзоси ва рэпери. 2017 йилда у кўп маротаба марихуана чеккани учун 10 ойлик шартли қамоқ жазосига, икки йиллик синов муддатига ҳукм қилинади. Жамоатчилик томонидан қораланганлиги сабабли у шоу-бизнес соҳасидаги фаолиятини якунлаганини эълон қилди, аммо кейинчалик “Калмар ўйини”нинг иккинчи мавсумида пайдо бўлиб, қарорини ўзгартирди. Унинг иштироки Жанубий Кореяда кўплаб баҳс-мунозараларга сабаб бўлди.
4-қисм: Олти оёқ
Ўйинчилар “Олти оёқли пентатлон”да иштирок этиш учун катта залга кирганда, кириш қисмида учта сўздан иборат ёзувни кўриш мумкин: 힘차게 씩씩하게 굳세게 — буни “кучли, ғайратли, қаттиқ” деб таржима қилиш мумкин. Бундай сўзлар тарихан корейс мактабларида спорт мусобақаларида ёки жисмоний тарбия дарсларида болаларни рағбатлантириш учун ишлатилган.
Ўтмишда ддакжи ўйини одатда ўғил болалар билан боғлиқ бўлиб, гонгги (공기) эса қизлар ўйини ҳисобланган. Айнан шунинг учун ҳам Де Хо (Кан Ха Нил) гонгги ўйнашни билишини, Жун Хи (Чо Юри) эса илгари ҳеч қачон бу ўйинни ўйнамаганини, лекин ддакжини яхши эплай олишини айтиши қизиқ.
Икки қўриқчи Но Илга таҳдид қилган саҳнада улар 남남북녀 иборасини айтишади, бу сўзма-сўз “жанублик эркак - шимоллик аёл” деб таржима қилинади. Бу Корея бўлинишидан олдин пайдо бўлган қадимий ибора бўлиб, одатда Корея яриморолининг жанубий қисмидаги эркаклар анъанавий равишда келишган ва муваффақиятли, шимолдаги аёллар эса табиий гўзал деб ҳисобланишини англатади.
Бундан ташқари, Жанубий Кореяга келиб ўрнашиб қолган шимолий кореялик қочоқларнинг аксарияти аёллар бўлганлиги сабабли жанубий кореялик эркаклар билан шимолий кореялик аёллар ўртасида совчилик қилишга ихтисослашган кўплаб агентликлар мавжуд. Масалан, никоҳ воситачиси офисидаги вивескага “Жанубий кореялик эркак ва шимолий кореялик аёл ўртасидаги никоҳ” деб ёзилган.
Сўнгги “Аралаш” ўйини пайтида янграган “둥글게 둥글게” қўшиғи кореялик болаларининг классик қўшиғидир.
Изоҳ (0)