“Калмар ўйини” сериалида Фронтмен деган бошловчи ҳаёт-мамот ўйинларини бошқаради. Биринчи мавсумда унинг кимлиги узоқ вақт сирлигича қолди — фақат якунда қаҳрамоннинг қиёфасини кўришга муваффақ бўлдик.
Иккинчи мавсумда эса, бу персонаж сюжет ривожида асосий ўринлардан бирини эгаллади. Унутганлар ёки билмаганлар учун бошловчи ҳақида маълумотларни тақдим этамиз.
“Калмар ўйини”да ҳозир ким бошловчи?
Сўнгги йилларда бошловчи Хван Ин Хо бўлиб, у детектив Хван Жун Хонинг акаси. Айнан биринчи мавсумнинг 8-қисмида Ин Хо акасига ўқ узган пайтда, томошабинлар унинг қиёфасини илк бор кўришган.
Қаҳрамон 2015 йилдаги Калмар ўйинида 132-рақамли иштирокчи сифатида ғалаба қозонганидан сўнг бошқарувчи лавозимини эгаллади. Ин Хо илгари коррупцияга аралашгани маълум бўлиб, бу унинг молиявий қийинчиликларга дуч келишига ва натижада ўйинга қатнашишига сабаб бўлган бўлиши мумкин.
Бундан ташқари, у бир пайтлар акаси Жун Хо каби полицияда хизмат қилган.
“Калмар ўйини”нинг янги бошловчиси ким бўлиши мумкин?
Ҳозирча жорий ўйиннинг якуни қандай тугаши номаълум. Ахир Ки Хун Ин Хонинг асл шахсиятини билгач, воқеалар одатдагидек ривожланиши даргумон.
Кейинги бошловчи Ки Хун бўлиши мумкин.
Ин Хо Ки Хунни руҳан синдириб, уни одамлардан умидини узишга мажбурлаш учун ҳамма нарсани қилди. Шундай бўлиши мумкинки, қаҳрамон ўзининг ожизлигидан чарчаб, ўз вақтида ўйиндан чиқолмаган бошқа иштирокчилардан ғазабланиб, ўзи бу даҳшатли мусобақани бошқаришни бошлайди.
Гарчи Ки Хун барибир ўз мақсадига эришиб, бу ўйинларни тўхтатишига умид қилгимиз келса-да, ҳозирча бу энг кенг тарқалган ва мантиқий тахмин.
Бошловчи ўрнини Жун Хо эгаллаши мумкин.
Бу эса жуда қизиқарли ва кутилмаган ҳолат. Ҳозирча Жун Хонинг қатъияти Ки Хунникидан қолишмайди. Бироқ акасини учратганда детектив янада заиф бўлиб қолса-чи?
Эҳтимол, Ин Хо қаҳрамонга босим ўтказиб, уни ўз томонига оғдириш учун манипуляция қила бошлар? Жун Хо акасини шунча вақт излаганини ҳисобга олсак, ҳиссиётларга берилиши табиий.
Эҳтимол, биринчи мавсум постерида Жун Хо акаси томонида туриши нафақат детективнинг 33-ўйинга кириб боришига ишора, балки финалнинг яширин спойлери ҳам бўлиши мумкиндир?
Аммо ҳозирча буларнинг барчаси шунчаки тахминлар, ҳақиқатни эса тез орада билиб оламиз — 3-мавсум 2025 йил 27 июлда эфирга чиқади.
Изоҳ (0)