“Калмар ўйини” сериалида бош қаҳрамон Сон Ки Хун ўйинларда ғолиб чиқиб, 45,6 миллиард Жанубий Корея вони ютиб олади. Бу тахминан 35-38 миллион АҚШ доллари (курсга қараб)га тенг.
“Калмар ўйини”да соврин жамғармаси қандай шаклланади?
Ўйинларда иштирокчилар ҳалок бўлгач, уларнинг ҳар бири учун 100 миллион вон (тахминан 75 минг АҚШ доллари) мукофот жамғармага қўшилади. Ўйинлар давом этаркан якунидан тушадиган пул аста-секин кўпайиб боради.
Мукофот пули шифтга осилган катта шаффоф шар ичида йиғилади. Ҳар сафар унинг тўлиб боришини иштирокчилар юқорига қараб кузатиб туради. Бу визуал образ сериалнинг асосий ғояларидан бири — одамларнинг ҳаёти пулга алмаштирилаётганини яққол кўрсатади. Бу кучли психологик омил бўлиб, уни кўрган иштирокчилар пул учун ўзаро рақобатга ва ҳаттоки бир-бирини ўлдиришга ҳам боради. Фильм шу тарзда инсонийлик ва ахлоқ меъёрларининг пул учун осонгина бузилишини очиб беради.
Пул бахт келтирдими?
Сериал давомида Сон Ки Хун ютган пулларидан дастлаб фойдалана олмайди. Ўйинлардан кейин кучли руҳий жароҳат олгани сабабли бир йил давомида пулларига деярли тегмай юради. Кейинчалик у бир оз пул ишлата бошлайди, аммо барибир ютган бойлиги унга чинакам бахт олиб келмайди. Бу эса сериалнинг асосий ғояларидан бири — пул ҳамма нарсани ҳал қилмайди, деган фикрни илгари суради.
Изоҳ (0)